ជួបគ្នាសារជាថ្មីពីកម្មវិធីគ្រួសាររីករាយ ដែលតែងតែពាំនាំនូវផ្ទាំងទស្សនីយភាពដ៏សប្បាយរីករាយ នឹងផ្តល់នូវចំណេះដឹងជាច្រើនដល់អូនៗតូចផងដែរ។ អ្វីដែលកាន់តែពិសេសទៅទៀតនោះគឺ កម្មវិធីក៏តែងផ្តល់ឱកាសដល់អូនតូចដែលមានភាពក្លាហាន មានសមត្ថភាព នឹងចំណេះដឹង ដើម្បីបានចូលរួមលេងហ្គេមសប្បាយៗដើម្បីយករង្វាន់ជាច្រើនពីកម្មវិធី។ វត្តមានអូនតូច សត្ថាពេជ្រ  បានដឹកដៃលោកប៉ា និង អ្នកម៉ាក់ ដើម្បីចូលរួមលេងហ្គេមយករង្វាន់។

ក្នុងនោះដែរអូនតូច សត្ថាពេជ្រ  នឹងត្រូវឆ្លងកាត់វិញ្ញាសារជាច្រើន ដែលតម្រូវអោយអូនតូចខិតខំប្រឹងប្រែងបង្ហាញនូវសមត្ថភាព នឹងភាពវៃឆ្លាតរបស់ខ្លួន ព្យាយាមធ្វើយ៉ាងណា ពន្យល់អោយលោកប៉ា និងអ្នកម៉ាក់ ងាយយល់ ចំណែកឯលោកប៉ានិងអ្នកម៉ាក់ ក៏ត្រូវព្យាយាម យកចិត្តទុកដាក់ស្តាប់អូនតូចពន្យល់ដូចគ្នា ដើម្បីឆ្លើយត្រូវ នឹងទទួលបានរង្វាន់។ 

ទន្ទឹមនឹងនេះដែរ កម្មវិធីនឹងមានការលេងហ្គេមទស្សន៍ទាយឆ្លើយនូវសំណួរចម្លើយ ដែលនឹងមានបង្ហោះនៅលើផេកផ្លូវការរបស់កម្មវិធីគ្រួសាររីករាយផ្ទាល់តែម្តង សូមទស្សនិកជន ក៏ដូចជាហ្វេនៗចូលរួមលេងឆ្លើយសំណួរទាំងអស់គ្នា ដើម្បីទទួលបានរង្វាន់លើកទឹកចិត្តពីកម្មវិធី។ 

ចង់ដឹងថា អូនតូច សត្ថាពេជ្រ  អាចឆ្លងកាត់ហ្គេមទាំងអស់ នឹងទទួលបានរង្វាន់ពីកម្មវិធីយ៉ាងណាខ្លះនោះ? សូមកុំភ្លេចរង់ចាំតាមដានទស្សនាការផ្សាយជូននៅលើកញ្ចក់ទូរទស្សន៍ភីអិនអិន ក្នុងកម្មវិធី
 «គ្រួសាររីករាយ» នៅថ្ងៃអាទិត្យ ទី ១៧ ខែ វិច្ឆិកា ឆ្នាំ ២០២៤ ចាប់ពីវេលាម៉ោង ១១ព្រឹកតទៅ៕ 
សូមទស្សនាវីដេអូខាងក្រោម៖

ដោយ៖ ស្រីមុំ