រឿង ហេតុអ្វីជាពួកយើង កាន់តែជក់ចិត្តដិតអារម្មណ៍ក្នុងការតាមដានហើយ ព្រោះតែមានតម្រុយមួយចំនួនត្រូវបានរកឃើញ នឹងត្រូវលាតត្រដាងការពិតបន្តិចម្តងៗហើយ។ នៅយប់នេះ រឿងរ៉ាវពិតពីរនៅពីក្រោយរឿងគ្រប់យ៉ាងដែលបានកើតឡើង ត្រូវបានបង្ហាញដោយទីមួយ គឺតម្រុយអ្នកណាដែលជាអ្នកសម្លាប់ប៉ារបស់លោកណារ៉ា។ លោកណារ៉ា បានរកឃើញច្បាស់ហើយថាលោក សម្បត្តិ គឺជាអ្នកសម្លាប់ប៉ារបស់គេ ហើយរឿងនេះ ណារ៉ា ក៏បានទម្លាយការពិតអោយរីកាបានដឹងដូចគ្នា។

ចំណែកឯរឿងទីពីរនោះគឺ ម៉ៃឃឺ បានស៊ើបដឹងថាលីនដាបច្ចុប្បន្នមិនមែនជាលីនដាពិតប្រាកដឡើយ ព្រោះតែម៉ៃឃឺ បានលួចស្តាប់លឺលីដាក្លែងក្លាយនិយាយគ្នាជាមួយនឹងមនុស្សស្រីមុខអាក្រក់ ពីរឿងរបស់លីនដា។ 

តើក្រោយពេលដែលពួកគេបានដឹងបែបនេះ ទាំងរីកា និងម៉ៃឃឺ នឹងត្រូវធ្វើបែបណាបន្ត? កុំភ្លេចរង់ចាំតាមដានទស្សនារឿង ហេតុអី្វជាពួកយើង ចាក់ផ្សាយរៀងរាល់ថ្ងៃច័ន្ទ ដល់ថ្ងៃ ព្រហស្បតិ៍ វេលាម៉ោង ៨យប់តទៅ នៅលើកញ្ចក់ទូរទស្សន៍ភីអិនអិន៕ 

ដោយ៖ ម៉ី វ៉ាន់ណែត