រឿងភាគថៃ កម្មស្នេហ៍ ពេញចិត្តហ្វេនៗទៀតហើយ!!!

ចាប់ពីថ្ងៃច័ន្ទ ទី៧ ខែតុលា ឆ្នាំ២០២៤ នេះទៅ ស្ថានីយទូរទស្សន៍ភីអិនអិន នឹងចាក់ផ្សាយរឿងភាគថៃថ្មីមួយចំណងជើង កម្មស្នេហ៍ ជារឿងភាគមួយដែលមានឈុតឆាកល្អមើល និងជក់ចិត្តជាច្រើន ជាពិសេសគឺចរឹតលក្ខណៈរបស់តួស្រីតែម្តង សុភាព រាបសារ តែមិនទន់ជ្រាយ
 ហើយសំខាន់ តួស្រីថែមទាំងចេះវៃថែមទៀតផង។ 
រឿង កម្មស្នេហ៍ គឺជារឿងភាគមួយដែលនិយាយរៀបរាប់អំពីមនោសញ្ចេតនាស្នេហាត្រីកោណ ការប្រយុទ្ធគ្នាដណ្តើមអំណាច ដណ្តើមទ្រព្យសម្បត្តិ ហើយក៏មានលាយឡំជាមួយនឹងមន្តអាគមន៍ថែមទៀតផង។ 
បើក្រឡេកមកមើលតួអង្គសម្តែងនៅក្នុងរឿងនេះវិញសុទ្ធសឹងតែជាតួពន្លកថ្មី ប៉ុន្តែសមត្ថភាពសម្តែងវិញនោះពិតជាមិនធម្មតាឡើយ។ 
តួអង្គនៅក្នុងរឿងនេះរួមមាន គួនដេនឃុន សម្តែងជាតួអង្គុឯកឈ្មោះ ស៊ីម៉ីង នាង ប៊ូម សម្តែងជាតួអង្គនាងស៊ីនួន ភូប សម្តែងជាតួ ឡូសាន រីយូ សម្តែងជាតួ រ៉ាភី រួមទាំងតារាប្រុសស្រីល្បីៗជាច្រើនរូបទៀត។ 
រឿង កម្មស្នេហ៍ ចាក់ផ្សាយរៀងរាល់ថ្ងៃច័ន្ទ ដល់ ថ្ងៃព្រហស្បតិ៍ វេលាម៉ោង៦ល្ងាចតទៅ នៅលើកញ្ចក់ទូរទស្សន៍ភីអិនអិន។