នៅថ្ងៃទី២ នៃព្រះរាជពិធីបុណ្យអុំទូក សំពះព្រះខែ និងអកអំបុក កម្មវីធីតន្ត្រី KIZZ Concert នៅតែដំណើរការផ្សាយធម្មតា ដោយមានការចូលរួមពីសំណាក់តារាចម្រៀងល្បីៗជាច្រើនដួងមានដូចជា កញ្ញា ពេជ្រ សោភា លោក ឃី សុឃុន ក្រុមសិល្បៈទស្សនីយភាពខ្មែរ រួមនិង កញ្ញា រ៉ាឌី ភាលី ។ តារាទាំងបួនដួងនឹងបង្ហាញជូនជាមួយបទចម្រៀងសប្បាយៗ អោយត្រូវជាមួយនឹងពេលវេលាដែលប្រជាជនខ្មែរយើងកំពុងតែរីករាយជាមួយនឹងព្រះរាជពិធីបុណ្យអុំទូក សំពះព្រះខែ និងអកអំបុក។ ដូច្នេះសម្រាប់ទស្សនិកជនដែលមិនទាន់ដឹងគោលដៅថាត្រូវដំណើរកម្សាន្តទៅកន្លែងណាទេនោះ កុំភ្លេចមកទស្សនាជាមួយតន្ត្រី KIZZ Concert ទាំងអស់គ្នា។ 

សប្បាយយ៉ាងណាក៏ដោយ ក៏មិនភ្លេចដែរ ជាមួយនឹងការផ្តល់ជូនពិសេសពីតន្ត្រី KIZZ Concert ក៏នៅតែបើកឱកាសអោយអ្នកទស្សនាដែលមានទេពកោសល្យសិល្បៈ មកបង្ហាញសមត្ថភាពផងដែរ។ រៀងរាល់ខែនឹងមានបេក្ខភាពមកបង្ហាញសមត្ថភាពហើយមានឱកាសច្រៀងរួមគ្នាដោយផ្ទាល់ជាមួយតារាចម្រៀងអាជីព។ ចំពោះការប្រកាសស្វែងរកនិងជ្រើសរើសបេក្ខភាពមានសមត្ថភាពនឹងធ្វើឡើងតាមរយៈផ្ញើវីដេអូឃ្លីបសម្តែងរបស់សាម៉ីខ្លួនចូលមកប្រអប់សារទំព័រហ្វេសប៊ុក PNN TV Cambodia និងទំព័រហ្វេសប៊ុក KIZZ។  រៀងរាល់ខែក្រុមការងារផលិតកម្មវិធីនឹងជ្រើសយកបេក្ខភាព ៥ រូប ដើម្បីដាក់អោយបោះឆ្នោតតាមរយៈការបង្ហោះឃ្លីបវីដេអូទាំង៥ នៅលើផេក PNN TV Cambodia ។ បេក្ខភាព ដែលមានការគាំទ្រខ្លាំងជាងគេបំផុត ១រូប ក្នុងចំណោម៥រូប នឹងត្រូវជ្រើសអោយមានឱកាសច្រៀងដោយផ្ទាល់ក្នុងកម្មវិធីប្រគំតន្រ្តី KIZZ Concert ។ KIZZ Concert ផ្សាយផ្ទាល់រៀងរាល់ ថ្ងៃសុក្រ វេលាម៉ោង ១១:០០ ថ្ងៃត្រង់ ដល់ ម៉ោង ១រសៀល នៅលើកញ្ចក់ ទូរទស្សន៍ PNN និង លើហ្វេសប៊ុកផេក KIZZ៕

ដោយ៖ ម៉ី វ៉ាន់ណែត