កម្មវិធី CAMBODIA LITE Station នៅសប្តាហ៍នេះ ទស្សនិកជនច្បាស់ជាសើចបិតមាត់មិនជិតឡើយ ព្រោះតែវត្តមានតារាកិត្តិយសសប្បាយនេះសុទ្ធតែជាកំពូលកូរ កំពូលវោហារ ធានាសើចតាំងពីដើមដល់ចប់។ វត្តមានតារាទាំងពីរដួងគឺ រ៉ូលីន និង អ្នកនាង សុភ័ក្រ កុសុម៉ា។ 

វត្តមានតារាក្តិយសទាំងពីរដួងពីមួយវគ្គទៅមួយវគ្គ នឹងមានអ្វីដែលប្លែកៗ សប្បាយៗ ជូនទស្សនិកជន។ មិនត្រឹមតែប៉ុណ្ណោះ ពិធីការនីកញ្ញា ពេជ្រ ច័ន្ទធីតា នឹងជីកកកាយនូវសំនួរខ្លះៗទៅកាន់តារាកិត្តិយសទាំងពីរដួង។ មិនត្រឹមតែប៉ុណ្ណោះ តារាកិត្តិយសទាំងពីរដួង និងបកស្រាយនូវបទចម្រៀងពីរោះៗ ជាច្រើនបទ ដោយប្រគំភ្លេងបែប Acoustic យ៉ាងពីរោះរណ្តំចិត្ត។ កាន់តែប្លែកទៀតនោះ រ៉ូលីន នឹងបកស្រាយបទចម្រៀងប្រុសផង ស្រីផង ឆ្លើយឆ្លងគ្នាតែម្នាក់ឯងថែមទៀតផង។ 

កុំភ្លេចរង់ចាំតាមដានទស្សនាកម្មវិធី CAMBODIA LITE Station នៅថ្ងៃអាទិត្យ ទី១០ ខែវិច្ឆិកា ឆ្នាំ២០២៤ វេលាម៉ោង៥ល្ងាចតទៅ នៅលើកញ្ចក់ ទូរទស្សន៍ភីអិនអិន ៕ 

ដោយ៖ ម៉ី វ៉ាន់ណែត