ការប្រកួត Ganzberg Kun Khmer Super Strike របស់ ស្ថានីយ៍ទូរទស្សន៍ PNN នាចុងសប្ដាហ៍ថ្ងៃអាទិត្យ ទី១៦ ខែមិថុនា ឆ្នាំ២០២៤នេះ កាន់តែពិសេសកក្រើកទ្វេដងជាមួយនឹងកីឡាករគុនខ្មែរល្បីៗលំដាប់ប្រទេស និងកីឡាករជើងខ្លាំងគ្រប់ទិសទី ខណៈដែរនៅចុងសប្ដាហ៍នេះវិញ ការប្រកួតប្រដាល់គុនខ្មែររបស់ទូរទស្សន៍ភីអិនអិនបានសម្រិតសម្រាំងគូរល្អៗចំនួនប្រាំគូ ក្នុងនោះផងដែងមានការប្រកួតលក្ខណៈមិត្តភាពអន្តរជាតិជាងជក់ចិត្តចំនួនពីរគូ និងការប្រកួតគុនខ្មែរប៉ះគុនខ្មែរចំនួនបីគូបន្ថែមទៀត។

 
ជើងខ្លាំងកំពុងឡើងជើងមកពីខេត្តបាត់ដំបង ស៊ន រ៉ាគីម នឹងត្រូវជួបជើងខ្លាំង ថៃ យ៉តផេត ផ.ចារ៉ឺនផេត ស្របពេលដែលការប្រកួតអន្តរជាតិមួយគូទៀតជាការចួបគ្នារវាងនាគកំណាចកោះកុង យ៉េន ឌីណា និងអ្នកប្រដាល់ពូកែស្នៀតមកពីខេត្តបុរីរាំ ឆ្លាមខាវ ស៊ីបឃុនម៉ាក់ ។ ចំពោះការប្រកួតមិត្តភាពអន្តរជាតិទាំងពីរគូខាងលើនេះប្រព្រឹត្តទៅលើលក្ខន្តិកៈគុនខ្មែរប្រាំទឹក ក្នុងមួយទឹកមានរយៈពេលបីនាទី ។ មិនត្រឹមតែប៉ុណ្ណោះ PNN ក៏បានផ្ដល់ឳកាសដល់កីឡាករថ្នាលគុនខ្មែរជំនាន់ក្រោយពោរពេញដោយសមត្ថភាព ចំនួនបីគូផ្សេងទៀតដូចជា ធី ម៉ានិត ប្រកួតជាមួយ ធន់ ឆៃលី ខណៈដែល ប៉ែនកាក់ ធារ់ា ត្រូវប៉ះ ជ័យ សុវណ្ណ រីឯ សុខ សាន ត្រូវជួប ផាន់ ខាំឡៃ។

សូមប្រិយមិត្តចូលរួមធ្វើជាសាក្សីនៃការប្រកួតដ៏កក្រើកអស្ចារ្យនេះ ដោយចូលរួមទស្សនាឱ្យបានច្រើនកុះករ ដែលការប្រកួតចាប់ផ្ដើម និងផ្សាយផ្ទាល់ចាប់ពីវេលាម៉ោង ១រសៀលតទៅ នៅលើកញ្ចក់ ទូរទស្សន៍ ភីអិនអិន, ហ្វេសបុកផេក PNN Sports និងហ្វេសបុក Beer Ganzberg។ សម្រាប់បងប្អូនដែលទស្សនាតាមទូរស័ព្ទដៃសូមកុំភ្លេចស៊ែចែករំលែកផងណាដើម្បីចែករម្លែកការប្រកួតគុនខ្មែររបស់យើងទៅកាន់ពិភពលោកឱ្យពិភពលោកកាន់តែស្គាល់ថែមទៀត។

ដោយ៖ ក្រុមកាងារភីអិនអិន