នៅយប់នេះរឿង ដុកទ័រស៊ើបអង្កេត នឹងធ្វើអោយទស្សនិកជនញញឹមបិតមាត់មិនជិតឡើយព្រោះតែស្នេហារវាង ជេន និង ពេទ្យឃុន ត្រូវបានលាតត្រដាងហើយ។ គ្រប់គ្នាមានការសាទរជាខ្លាំងបន្ទាប់ពីដឹងថា ឃុន និង ជេន កំពុងតែស្រឡាញ់គ្នា 
ព្រោះពួកគេគិតថា គូនេះពិតជាសាកសមនឹងគ្នាខ្លាំងណាស់។ ប៉ុន្តែទន្ទឹមនឹងមានក្តីសុខជាមួយនឹងការបើកបង្ហាញជាផ្លូវការនេះ ក៏មានអ្នកកើតទុក្ខដែរ ម្នាក់នោះគឺ មីន។ មីន បានលួចស្រឡាញ់ឃុនតែម្នាក់ឯងអស់រយៈពេលជាងដប់ឆ្នាំមកហើយ ប៉ុន្តែឃុន មិនបានគិតអ្វីចំពោះមីនលើសពីមិត្តភ័ក្តិឡើយ។ 

តាមពិតទៅ ឃុន ក៏បានដឹងដែរថា មីន បានលួចស្រឡាញ់គេ តែឃុនមិនអាចប្រាប់មីនតាមត្រង់ថាគេទុកមីនត្រឹមតែជាមិត្តភ័ក្តិ ព្រោះខ្លាចមីនមានការឈឺចាប់ ក៏ព្យាយាមធ្វើដូចជាធម្មតា តែទីបំផុត នាងនៅតែឈឺចាប់ដដែល។ តើសាច់រឿងបន្តនឹងទៅជាបែបណា? តើស្នេហារវាងជេន និង ឃុន មានឧបសគ្គអ្វីដែរទេ? កុំភ្លេចរង់ចាំទស្សនា រឿង ដុកទ័រស៊ើបអង្កេត ចាក់ផ្សាយរៀងរាល់ថ្ងៃច័ន្ទ ដល់ថ្ងៃ ព្រហស្បតិ៍ វេលាម៉ោង ៩យប់តទៅ នៅលើកញ្ចក់ ទូរទស្សន៍ភីអិនអិន ៕ 

ដោយ៖ ម៉ី វ៉ាន់ណែត