ជួបគ្នាសារជាថ្មីពីកម្មវិធីគ្រួសាររីករាយ ដែលតែងតែពាំនាំនូវផ្ទាំងទស្សនីយភាពដ៏សប្បាយរីករាយ នឹងផ្តល់នូវចំណេះដឹងជាច្រើនដល់អូនៗតូចផងដែរ។ សប្តាហ៍នេះកាន់តែប្លែកអារម្មណ៍ជាមួយវត្តមានអូនតូចឆ្លាតពូកែនិងក្លាហានចូលរួមលេងហ្គេមសប្បាយ!! វត្តមានប្អូនស្រី និមល ម៉ូនីតា ដឹកដៃអ្នកម៉ាក់ និងលោកតា ដើម្បីចូលរួមលេងហ្គេមយករង្វាន់។

ក្នុងនោះដែរប្អូនស្រី និមល ម៉ូនីតា នឹងត្រូវឆ្លងកាត់វិញ្ញាសារជាច្រើន ដែលតម្រូវអោយប្អូនស្រីខិតខំប្រឹងប្រែងបង្ហាញនូវសមត្ថភាព នឹងភាពវៃឆ្លាតរបស់ខ្លួន ព្យាយាមធ្វើយ៉ាងណា ពន្យល់អោយអ្នកម៉ាក់ និងលោកតា ងាយយល់ ចំណែកឯអ្នកម៉ាក់ និងលោកតា ក៏ត្រូវព្យាយាម យកចិត្តទុកដាក់ស្តាប់ប្អូនស្រីពន្យល់ដូចគ្នា ដើម្បីឆ្លើយត្រូវ នឹងទទួលបានរង្វាន់។ 

ទន្ទឹមនឹងនេះដែរ កម្មវិធីនឹងមានការលេងហ្គេមទស្សន៍ទាយឆ្លើយនូវសំណួរចម្លើយ ដែលនឹងមានបង្ហោះនៅលើផេកផ្លូវការរបស់កម្មវិធីគ្រួសាររីករាយផ្ទាល់តែម្តង សូមទស្សនិកជន ក៏ដូចជាហ្វេនៗចូលរួមលេងឆ្លើយសំណួរទាំងអស់គ្នា ដើម្បីទទួលបានរង្វាន់លើកទឹកចិត្តពីកម្មវិធី។ 

ចង់ដឹងថា ប្អូនស្រី និមល ម៉ូនីតា អាចឆ្លងកាត់ហ្គេមទាំងអស់ នឹងទទួលបានរង្វាន់ពីកម្មវិធីយ៉ាងណាខ្លះនោះ? សូមកុំភ្លេចរង់ចាំតាមដានទស្សនាការផ្សាយជូននៅលើកញ្ចក់ទូរទស្សន៍ភីអិនអិន ក្នុងកម្មវិធី «គ្រួសាររីករាយ» នៅថ្ងៃអាទិត្យ ទី ០៥ ខែ មករា ឆ្នាំ ២០២៥ ចាប់ពីវេលាម៉ោង ១១ព្រឹកតទៅ៕ 
សូមទស្សនាវីដេអូខាងក្រោម៖

ដោយ៖ ស្រីមុំ