វិលមកជួបគ្នាសារជាថ្មីពីកម្មវិធីអ្នកជិតខាងដែលតែងតែពាំនាំនូវផ្ទាំងទស្សនីយភាពដ៏រីករាយជូនដល់ទស្សនិកជនមិនអោយធុញទ្រាន់នោះឡើយ! ដោយឡែកសប្តាហ៍នេះកាន់តែប្លែកអារម្មណ៍ដោយវត្តមានតារាកិត្តិយសដែលប្រឡង Rapper Fighter ឡើងមករៀបរាប់ពីជីវិតនៅលើវេទិកាអ្នកជិតខាង! លោក RG បានរៀបរាប់នៅលើវេទិកាអ្នកជិតខាងថា ពីដំបូងលោកមិនទាន់ស្គាល់អ្វីទៅជាHip Hop នៅឡើយទេ តែពេលលោករៀនថ្នាក់ទី១២ ក៏ចាប់ផ្តើមស្គាល់Hip Hop ហើយក៏ចាប់ផ្តើមរៀនធ្វើរហូតមកដល់ពេលបច្ចុប្បន្ននេះ! បន្ទាប់មកលោកក៏បានឃើញការផុសជ្រើសរើសបេក្ខភាពប្រឡងរ៉េប លោកក៏ចាប់អារម្មណ៍តែពេលនោះស្ទើរតែផុតកំណត់ដាក់ពាក្យទៅហើយ ព្រោះតែគ្មានលុយ ទើបសម្រេចចិត្តខ្ចីលុយមិត្តភក្តិដើម្បីចូលរួមប្រឡងរហូតបានជាប់មកវគ្គបន្តរហូតមក។ 

លោក LiL  Kzy ក៏បានរៀបរាប់ដែរថា ចំពោះរូបលោកផ្ទាល់គឺស្រលាញ់វិស័យរ៉េបតាំងពីតូចមកម្ល៉េះព្រោះមានបងប្អូនសុទ្ធតែអ្នកចូលចិត្ត ហើយតែងតែអោយលោកមើលរៀមច្បងរ៉េប ហើយអ្វីដែលកាន់តែពិសេសនោះគឺលោកបានឃើញការផុសជ្រើសរើសតារារ៉េប លោកក៏ចង់បង្ហាញពីសមត្ថភាពរបស់ខ្លួនផងដែរ។  តែអំឡុងពេលដែលលោកឡើងមកប្រឡងដំបូង លោកត្រូវបោះបង់ការងារចាស់ ហើយបន្តរកការងារថ្មីដោយធ្វើការអ្នករត់តុ ដើម្បីរកកម្រៃមកចំណាយលើជីវភាពអំឡុងពេលលោកប្រឡង នេះដោយសារតែជីវភាពខ្វះខាតរបស់លោក។ 

បើក្រឡេកមកមើលលោក Yelo វិញពីដំបូងស្តាប់តែបទបុរាណសម័យដើមតែប៉ុណ្ណោះ តែពេលស្គាល់អ្នកគេអ្នកដែលស្រលាញ់Hip Hop ហើយបានជួបជុំគ្នាក៏លោកចាប់ផ្តើមចាប់អារម្មណ៍ហើយក៏បានរៀនសរសេរHip Hop ក៏ចាប់ផ្តើមស្រលាញ់តាំងពីពេលនោះមក។ 

ចង់ដឹងថា តើតារារ៉េបទាំងបី នឹងរៀបរាប់អ្វីបន្ថែម កុំភ្លេចរងចាំតាមដានទស្សនានៅកញ្ចក់ទូរទស្សន៍ភីអិនអិន កម្មវិធី អ្នកជិតខាង នៅថ្ងៃសុក្រ ទី០៣ ខែមករា ឆ្នាំ ២០២៥ វេលាម៉ោង ៩យប់តទៅ ឬ ទស្សនាគ្រប់ពេលលើ PNN Plus ! ទាញយកឥឡូវនេះចុច https://pnnplus.page.link/iDzQ
សូមទស្សនាវីដេអូខាងក្រោម៖

ដោយ៖ ស្រីមុំ