នៅចុងឆ្នាំ២០២៤នេះ ស្ថានីយទូរទស្សន៍ភីអិនអិន ផ្តល់ជូនចំណងដៃពិសេសសម្រាប់ហ្វេនៗនោះគឺការចាក់ផ្សាយរឿងភាគខ្មែរថ្មីសន្លាងមួយដែលមានចំណងជើងថា គ្រួសារបង្កង។ រឿងនេះត្រូវបានសម្រឹតសម្រាំងបំផុតទាំងតួសម្តែង ទាំងសាច់រឿង និងប្លង់ថតផ្សេងៗ។

វត្តមានតារាសម្តែងនៅក្នុងរឿងនេះក៏សុទ្ធតែជាតារាល្បីៗដែលកំពុងតែទទួលបានហ្វេនៗគាំទ្រជាច្រើនផងដែរដែលមានដូចជា លោក នូ ឧសភា សម្តែងជាតួ ខេលវីន អ្នកនាង សិទ្ធីនីកា សម្តែងជាតួ នាងមាស កញ្ញា សឹម ស្រីមុំ សម្តែងជាតួ មាន ពេជ្រ កញ្ញា Destiny Seymour សម្តែងជាតួ មាន ប្រាក់ លោក ណារ៉ាឌី សម្តែងជាតួ សីហា លោក តុងលី សម្តែងជាតួ ភិរុណ លោក ជន ជាតិ សម្តែងជាតួ គ្រួវិទ្យា រួមនិងសិល្បៈករ សិល្បៈការនីជាច្រើនដួងទៀត។ រឿង «គ្រួសារបង្កង» គឺជារឿងភាគខ្មែរ ដែលនិយាយពី គ្រួសាររបស់ពូ មានម៉ៅ និងមីង ទូច ដែលពួកគាត់ មានកូនស្រីបីនាក់ កូនទីមួយឈ្មោះ មាន ពេជ្រ កូនទី២ ឈ្មោះនាង មាន មាស គាត់ប្រឹងតាមយកកូនទី៣ទៀត ទាំងដែលមីងទូចមិនចង់បាន ព្រោះជីវភាពគ្រួសារមិនសូវធូរធារ តែពូម៉ៅតែងជំនះមីងទូច ហើយកូនទី៣នៅតែជាស្រី ឈ្មោះនាង មាន ប្រាក់។ទោះបីជាជីវភាពមិនសូវធូរធារក៏ពិតមែន ប៉ុន្តែពូម៉ៅ មានចិត្តមួយចង់ចិញ្ចឹមបង្កងជាលក្ខណៈខ្នាតធំ។ ការចិញ្ចឹមបង្កងនេះកាន់តែធ្វើអោយពូម៉ៅលំបាកកាន់តែខ្លាំង ព្រោះត្រូវជំពាក់កំណុលធនាគារកាន់តែច្រើនទៅៗ និងបានធ្វើអោយអ្នកជិតខាងមានការសើចចំអកគាត់ជាខ្លាំងចំពោះរឿងនេះ។ 

តើជីវិតគ្រួសារពូម៉ៅ និង មីងទូច អាចយកឈ្នះភាពក្រដោយបែបណា? កុំភ្លេចរង់ចាំតាមដានទស្សនារឿង គ្រួសារបង្កង ចាក់ផ្សាយរៀងរាល់ថ្ងៃច័ន្ទ ដល់ថ្ងៃព្រហស្បតិ៍ វេលាម៉ោង ៨យប់តទៅ នៅលើកញ្ចក់ទូរទស្សន៍ភីអិនអិន៕