បាត់បង់អ្វី មិនស្មើនឹងបាត់បង់មនុស្សដែលខ្លួនស្រឡាញ់អោបជាប់នឹងទ្រូងនោះទេ។ ហ្វីឌែល បន្ទាប់ពីត្រឡប់មកពីបរទេសវិញ ក៏មករ៉ូស និងសាន់ ដោយមិនឃើញពួកគេនៅផ្ទះដូចសព្វមួយដង។ ហ្វីឌែល បានដើររកអ្នកទាំងពីរគ្រប់ទីកន្លែង ដែលដំបូងគាត់ទៅរក ភីតទើ ដែលជាមនុស្សជំនិត និងជាអ្នកដែលរៀបចំបិទបាំងស្នេហាខ្លួន និងរ៉ូស។ 

ភីតទើ ក៏មិនបានដឹងថា រ៉ូស និងសាន់ នាំគ្នារត់ទៅដល់ទីណានោះទេ គេដឹងត្រឹមតែថា ពួកគេធ្វើជាប្តីប្រពន្ធក្លែងក្លាយ រស់នៅចិញ្ចឹមកូនស្រីម្នាក់យ៉ាងរីករាយ។ ហ្វីឌែល មិនអស់ចិត្ត នៅនឹកឃើញមនុស្សម្នាក់ដែល ដឹងគ្រប់រឿង របស់រ៉ូស នោះគឺ ដួង។ ដួង ត្រូវបានហ្វីឌែល គំរាមកំហែង វាយតប់ ដើម្បីឲ្យដួងឆ្លើយប្រាប់ពីទីតាំងដែលរ៉ូស និងសាន់លាក់ខ្លួន។ ដួង ដាច់ខាត មិនបានប្រាប់ពីដំណឹងរបស់រ៉ូស និងសាន់ជាដាច់ខាត បើទោះបីជាហ្វែឌែល បោះលុយយ៉ាងច្រើនប៉ុនណាក៏ដោយ។ ហ្វីឌែល ដើររករ៉ូស និងសាន់គ្រប់ទីកន្លែង រហូតទៅសួរនាំ ពីម្តាយរបស់នាង ក៏នៅតែមិនមានដំណឹងទៀត។ 

ជម្រើសចុងក្រោយ ហ្វីឌែល បានសម្រេចចិត្តទៅរក ឆោមយ៉ង់ ដែលជាអ្នកនាំភ្លើងឲ្យសីម៉ា ដឹងរឿងស្នេហាលួចលាក់មួយនេះ។ ហ្វីឌែល បានប្រើកាំភ្លើង បំរុងនឹងបាញ់ទៅលើ ឆោមយ៉ង់ ប៉ុន្តែត្រូវបាន ប្តីរបស់ឆោមយ៉ង់ ដែលជាមិត្តសម្លាញ់ស្លាប់ មកជួយទប់ទាន់ពេលវេលា។ 
តើការស្វែងរក របស់ហ្វីឌែល នឹងបានជួបរ៉ូស និងសាន់ បានឬយ៉ាងណា?

តើ ហ្វីឌែល នឹងទៅរកអ្នកណាបន្ទាប់ទៀត ដើម្បីទម្លាយពីការលាក់ខ្លួនរបស់អ្នកទាំងពីរ? សូមបន្តរង់ចាំទស្សនាភាគបន្តនៅក្នុងរឿង «ស្នេហា Cover »មានផ្សាយជូនទស្សនានៅលើកញ្ចក់ទូរទស្សន៍ភីអិនអិន ចាប់ពីថ្ងៃ ចន្ទ ដល់ព្រហស្បតិ៍ វេលាម៉ោង ០៧ យប់តទៅ៕ 
សូមទស្សនាវីដេអូខាងក្រោម៖

ដោយ៖ សិរីរដ្ឋ