ក្រោយឃ្លាតពីសង្វៀនអធិរាជគុនខ្មែរ ISI PALM របស់ស្ថានីយទូរទស្សន៍ PNN មួយរយៈមក នៅថ្ងៃអាទិត្យ ទី២២ ខែធ្នូ នេះ ម្ចាស់មេដាយសំរឹទ្ធស៊ីហ្គេម សុខ សាវិន នឹងចូលខ្លួនអង្រួនកម្មវិធីឲ្យកក្រើកម្ដងទៀត។

សិស្សគុនក្លិបប៉ែនកាក់គុនខ្មែរ ត្រូវតតាំង ជើងខ្លាំងថៃ ថាណាភុន។ ជាមួយគ្នានេះ អ្នកស្នងគុនខ្មែរចិត្តមុតពីខេត្តកំពង់ឆ្នាំង ខាន់ ទិត្យ ដាក់ចិត្តសាកកម្លាំងនឹងខ្លាឆ្លងដែន យ៉តកុម៉ាន។ កម្មវិធីដ៏ពិសេសនេះក៏នឹងមានអមដោយគូជាតិដ៏ជក់ចិត្តដែលមានជើងថ្មីក្បាច់ឆ្នើម វីរៈ សំណាង ប្រឈមមុខនឹង សេងហៀង ខណៈ អៀប លីឆា ត្រៀមស្នៀតវាយប្រហារតទល់ដៃគូរួមជំនាន់ ប៉ិល សៀហេង។ សូមកុំភ្លេច អធិរាជគុនខ្មែរ ISI Palm ផ្សាយផ្ទាល់លើកញ្ចក់ទូរទស្សន៍ PNN ផេកហ្វេស៊បុក PNN Sports និងផេកហ្វេសប៊ុក ISI STEEL ចាប់ពីម៉ោង១២ថ្ងៃត្រង់តទៅ៕

សុខ សាវិន 

ដោយ៖ Chan Chamreoun