បេក្ខជនដែលជាប់ចំណាត់ថ្នាក់លេខ១ KIZZ Super Fan Top1 ពីតន្ត្រី KIZZ Concert លោក ឈន អាត នៅសប្តាហ៍នេះនឹងឡើងមកបកស្រាយបទចម្រៀងពីរោះៗ ដោយមានការច្រៀងជាគូជាមួយនឹងលោក គូម៉ា។ មិនត្រឹមតែបានទស្សនាជាមួយការបកស្រាយបទចម្រៀងពីបេក្ខជនប៉ុណ្ណោះទេ ពីកម្មវិធីក៏បានអញ្ជើញតារាចម្រៀងល្បីៗជាច្រើនដួងទៀត មានដូចជា កញ្ញា យូរី កញ្ញា ឈិន ម៉ានិច្ច និងកញ្ញា អ៊ន លីនដា។ ពួកគាត់នឹងលើកយកបទចម្រៀងពីរោះៗ ល្បីៗមកបង្ហាញជូនហ្វេនៗបានទស្សនា មានទាំងបទញាក់ បទមនោសញ្ចេតនា រួមនឹងក្បាច់រាំថ្មីៗថែមទៀតផង។ 

អ្វីដែលកាន់តែពិសេស ពីតន្ត្រី KIZZ Concert ក៏នៅតែបើកឱកាសអោយអ្នកទស្សនាដែលមានទេពកោសល្យសិល្បៈ មកបង្ហាញសមត្ថភាពផងដែរ។ រៀងរាល់ខែនឹងមានបេក្ខភាពមកបង្ហាញសមត្ថភាពហើយមានឱកាសច្រៀងរួមគ្នាដោយផ្ទាល់ជាមួយតារាចម្រៀងអាជីព។ 

ចំពោះការប្រកាសស្វែងរកនិងជ្រើសរើសបេក្ខភាពមានសមត្ថភាពនឹងធ្វើឡើងតាមរយៈផ្ញើវីដេអូឃ្លីបសម្តែងរបស់សាម៉ីខ្លួនចូលមកប្រអប់សារទំព័រហ្វេសប៊ុក PNN TV Cambodia និងទំព័រហ្វេសប៊ុក KIZZ។  រៀងរាល់ខែក្រុមការងារផលិតកម្មវិធីនឹងជ្រើសយកបេក្ខភាព ៥ រូប ដើម្បីដាក់អោយបោះឆ្នោតតាមរយៈការបង្ហោះឃ្លីបវីដេអូទាំង៥ នៅលើផេក PNN TV Cambodia ។ បេក្ខភាព ដែលមានការគាំទ្រខ្លាំងជាងគេបំផុត ១រូប ក្នុងចំណោម៥រូប នឹងត្រូវជ្រើសអោយមានឱកាសច្រៀងដោយផ្ទាល់ក្នុងកម្មវិធីប្រគំតន្រ្តី KIZZ Concert ។ KIZZ Concert ផ្សាយផ្ទាល់រៀងរាល់ ថ្ងៃសុក្រ វេលាម៉ោង ១១:០០ ថ្ងៃត្រង់ ដល់ ម៉ោង ១រសៀល នៅលើកញ្ចក់ ទូរទស្សន៍ PNN និង លើហ្វេសប៊ុកផេក KIZZ៕

ដោយ៖ ម៉ី វ៉ាន់ណែត