នៅសប្តា៍នេះតន្ត្រី KIZZ Concert នឹងនាំមកជួនទស្សនិកជនជាមួយនឹងផ្ទាំងសំណើចពីក្រុមកំប្លែង 9Color រួមជាមួយនឹងការទស្សនាការបកស្រាយបទចម្រៀងពីរោះៗពីសំណាក់តារាចម្រៀងប្រុសស្រីល្បីៗបីដួងទៀត។ វត្តមានតារាចម្រៀងទាំងបីដួងនៅសប្តាហ៍នេះរួមមាន កញ្ញា ស៊ូ ស៊ីរីកា កញ្ញា បាន មុន្នីល័ក្ខ  និង លោក អ៊ីវ ចាន់រិទ្ធ ។ ពួកគាត់នឹងលើកយកបទចម្រៀងពីរោះៗជាច្រើនបទមកកំដរអារម្មណ៍ទស្សនិកជន។ 

អ្វីដែលកាន់តែពិសេស ពីតន្ត្រី KIZZ Concert ក៏នៅតែបើកឱកាសអោយអ្នកទស្សនាដែលមានទេពកោសល្យសិល្បៈ មកបង្ហាញសមត្ថភាពផងដែរ។ រៀងរាល់ខែនឹងមានបេក្ខភាពមកបង្ហាញសមត្ថភាពហើយមានឱកាសច្រៀងរួមគ្នាដោយផ្ទាល់ជាមួយតារាចម្រៀងអាជីព។ ចំពោះការប្រកាសស្វែងរកនិងជ្រើសរើសបេក្ខភាពមានសមត្ថភាពនឹងធ្វើឡើងតាមរយៈផ្ញើវីដេអូឃ្លីបសម្តែងរបស់សាម៉ីខ្លួនចូលមកប្រអប់សារទំព័រហ្វេសប៊ុក PNN TV Cambodia និងទំព័រហ្វេសប៊ុក KIZZ។  រៀងរាល់ខែក្រុមការងារផលិតកម្មវិធីនឹងជ្រើសយកបេក្ខភាព ៥ រូប ដើម្បីដាក់អោយបោះឆ្នោតតាមរយៈការបង្ហោះឃ្លីបវីដេអូទាំង៥ នៅលើផេក PNN TV Cambodia ។ បេក្ខភាព ដែលមានការគាំទ្រខ្លាំងជាងគេបំផុត ១រូប ក្នុងចំណោម៥រូប នឹងត្រូវជ្រើសអោយមានឱកាសច្រៀងដោយផ្ទាល់ក្នុងកម្មវិធីប្រគំតន្រ្តី KIZZ Concert ។ KIZZ Concert ផ្សាយផ្ទាល់រៀងរាល់ ថ្ងៃសុក្រ វេលាម៉ោង ១១:០០ ថ្ងៃត្រង់ ដល់ ម៉ោង ១រសៀល នៅលើកញ្ចក់ ទូរទស្សន៍ PNN និង លើហ្វេសប៊ុកផេក KIZZ៕

ដោយ៖ ម៉ី វ៉ាន់ណែត