តារាចម្រៀងចាស់វស្សារ លោក ណុប បាយ៉ារិទ្ធ នឹងត្រូវឡើងមកបង្ហាញវត្តមានម្តងទៀតហើយលើឆាកតន្ត្រី KIZZ Concert ។ វត្តមានរបស់លោកនៅសប្តាហ៍នេះ លោកនឹងលើកយកបទចម្រៀងពីរោះៗ បទចម្រៀងដែលទទួលបានការគាំទ្រពីសំណាក់ហ្វេនៗ និងទស្សនិកជន។ មិនត្រឹមតែបានទស្សនាជាមួយការបកស្រាយបទចម្រៀងរបស់លោក ណុប បាយ៉ារិទ្ធ ប៉ុណ្ណោះទេ ទស្សនិកជននឹងបានទស្សនាជាមួយការបកស្រាយបទចម្រៀងពីសំណាក់តារាចម្រៀងប្រុសស្រីបីដួងទៀតរួមមាន កញ្ញា សុខ សីឡាលីន កញ្ញា យ៉ាន់ សុជាតា និងលោក ចំរើន ធារិត។ 

អ្វីដែលកាន់តែពិសេស ពីតន្ត្រី KIZZ Concert ក៏នៅតែបើកឱកាសអោយអ្នកទស្សនាដែលមានទេពកោសល្យសិល្បៈ មកបង្ហាញសមត្ថភាពផងដែរ។ រៀងរាល់ខែនឹងមានបេក្ខភាពមកបង្ហាញសមត្ថភាពហើយមានឱកាសច្រៀងរួមគ្នាដោយផ្ទាល់ជាមួយតារាចម្រៀងអាជីព។  ចំពោះការប្រកាសស្វែងរកនិងជ្រើសរើសបេក្ខភាពមានសមត្ថភាពនឹងធ្វើឡើងតាមរយៈផ្ញើវីដេអូឃ្លីបសម្តែងរបស់សាម៉ីខ្លួនចូលមកប្រអប់សារទំព័រហ្វេសប៊ុក PNN TV Cambodia និងទំព័រហ្វេសប៊ុក KIZZ។  រៀងរាល់ខែក្រុមការងារផលិតកម្មវិធីនឹងជ្រើសយកបេក្ខភាព ៥ រូប ដើម្បីដាក់អោយបោះឆ្នោតតាមរយៈការបង្ហោះឃ្លីបវីដេអូទាំង៥ នៅលើផេក PNN TV Cambodia ។ បេក្ខភាព ដែលមានការគាំទ្រខ្លាំងជាងគេបំផុត ១រូប ក្នុងចំណោម៥រូប នឹងត្រូវជ្រើសអោយមានឱកាសច្រៀងដោយផ្ទាល់ក្នុងកម្មវិធីប្រគំតន្រ្តី KIZZ Concert ។ KIZZ Concert ផ្សាយផ្ទាល់រៀងរាល់ ថ្ងៃសុក្រ វេលាម៉ោង ១១:០០ ថ្ងៃត្រង់ ដល់ ម៉ោង ១រសៀល នៅលើកញ្ចក់ ទូរទស្សន៍ PNN និង លើហ្វេសប៊ុកផេក KIZZ៕

ដោយ៖ មុី វ៉ាន់ណែត