នៅសប្តាហ៍នេះ ពីកម្មវីធី CAMBODIA LITE Station នឹងនាំអារម្មណ៍ទស្សនិកជនទៅរីករាយ និងបណ្តែតអារម្មណ៍ជាមួយទេសភាពឆ្នេរសមុទ្រដ៏ស្រស់ស្អាត Bay of Lights នៅឯកំពង់សោម។ រីឯវត្តមានរបស់តារាកិត្តិយសដែលចូលរួមនៅសប្តាហ៍នេះមានកញ្ញា មីណា និងកញ្ញា ចាន់ ស្រីខួច។ 

ក្រឡេកមកមើលវត្តមានរបស់ពិធីករលោក យ៉ារ៉ូ វិញម្តង លោកនឹងញុំាងបរិយាកាសទាំងមូលអោយមានភាពរីករាយ ដោយមានកិច្ចសម្ភាសន៍ជាមួយនឹងតារាកិត្តិយសទាំងពីរដួង បាញ់សំដីគ្នាទៅវិញទៅមក ធានាថាទស្សនាហើយមានតែសំណើចតែម្តង។ 

ជាការពិតណាស់ ក្រៅពីសំណេះសំណាលជាគ្នារវាងពិធីករ និងតារាកិត្តិយសហើយនោះ ពីកម្មវិធីតែងតែផ្តល់ជូននូវបទចម្រៀងពីរោះៗចំនួនដប់បទ ដែលបទទាំងនោះត្រូវបានប្រគុំសាច់ភ្លេងបែប Acoustic ស្តាប់ហើយធ្វើអោយអារម្មណ៍របស់យើងលន្លង់លន្លោចតាមបទចម្រៀង។ កម្មវីធី CAMBODIA LITE Station ផ្សាយជូនទស្សនារៀងរាល់ថ្ងៃអាទិត្យ វេលាម៉ោង ៥ ដល់ម៉ោង៦ល្ងាច នៅលើកញ្ចក់ទូរទស្សន៍ភីអិនអិន៕ 

ដោយ៖ ម៉ី វ៉ាន់ណែត