រហូតមកដល់ពេលនេះខាងក្រុមគ្រូពេទ្យស៊ើបអង្កេតនៅតែមិនទាន់អាចរកឃើញពីហេតុផលពិតប្រាកដនៃការស្លាបរបស់អ្នកភូមិនៅឡើយ។ ចំណែកឯអ្នកភូមិវិញ កំពុងតែមានការជឿងុបងល់ទៅលើរឿងខ្មោចមេម៉ាយដែលធ្វើអោយអ្នកភូមិត្រូវស្លាប់ជាបន្តបន្ទាប់។ ប៉ុន្តែទោះបីជានៅមិនទាន់អាចរកឃើញពីមូលហេតុពិតប្រាកដ ប៉ុន្តែពេលនេះលោកគ្រូពេទ្យ ឃុន ក៏ទទួលបានតម្រុយខ្លះៗពីការឆ្លងនូវមេរោគដ៏ចម្លែកម្យ៉ាងដែលបណ្តាលអោយមនុស្សស្លាប់ គ្រាន់តែនៅមិនទាន់ច្បាស់មួយភាគរយនៅឡើយ។ 

ក្នុងយុទ្ធនាការនៃការរកមូលហេតុពិតនៅពីក្រោយរឿង ខ្មោចមេម៉ាយ នោះ ជេន ដែលជាអ្នកកាសែតស្រី ក៏ស្ទុះស្ទារមិនធម្មតាដែរ ដើម្បីទទួលបានព័ត៍មានច្បាស់ការពីរឿងនេះ។ ប៉ុន្តែវាហាក់ពិបាកបន្តិចសម្រាប់នាង ព្រោះតែពេលនេះគ្រូពេទ្យឃុន នៅមាត់រឹងមិនព្រមផ្តល់កិច្ចសម្ភាសន៍អ្វីទាំងអស់ដល់អ្នកកាសែត។ តើហេតុការពិតនៅពីក្រោយខ្មោចមេម៉ាយនោះគឺជាអ្វីទៅ? តើគ្រូពេទ្យឃុនអាចរកឃើញមូលហេតុពិតដែរទេ? ចង់ជ្រាបច្បាស់ កុំភ្លេចរង់ចាំតាមដានទស្សនា រឿង ដុកទ័រស៊ើបអង្កេត ចាក់ផ្សាយរៀងរាល់ថ្ងៃច័ន្ទ ដល់ថ្ងៃព្រហសប្បតិ៍ វេលាម៉ោង ៩យប់តទៅ នៅលើកញ្ចក់ទូរទស្សន៍ ភីអិនអិន ៕ 

ដោយ៖ ម៉ី វ៉ាន់ណែត