© រក្សាសិទ្ធិគ្រប់យ៉ាងដោយ PNN ប៉ុស្ថិ៍លេខ៥៦ ឆ្នាំ2024
ការប្រគំតន្ត្រីបែបថ្មី និងដ៏ធំប្រចាំ ស្ថានីយទូរទស្សន៍ PNN KIZZ Concert នៅថ្ងៃសុក្រ ទី២៦ ខែកក្កដា ឆ្នាំ២០២៤ នេះ ទស្សនិកជននឹងបានជាមួយតារាចម្រៀងស្រី ប្រុស ចំនួន៤ដួងល្បីៗកំពុងពេញនិយមពីសំណាក់មិត្តៗយុវវ័យ។ តារាចម្រៀងវ័យល្បីៗដែលកំពុងពេញនិយមពីសំណាក់ទស្សនិកជនក្នុងសប្ដាហ៍នេះមានដូចជា លោក ម៉ម ពេជ្ជរិទ្ធ លោក ណាំ ប៊ុណ្ណារ័ត្ន កញ្ញា យ៉ាន់ សុជាតាកញ្ញា ចាន់ ស្រីខួច និងម្ចាស់ជ័យលាភីលេខ១ ពីការប្រកួតប្រជែងចម្រៀងក្នុងកម្មវិធីតន្ត្រី KIZZ Concert លោក ចំរើន ធារិត លោកនឹងឡើងមកបកស្រាយបទចម្រៀងជាមួយនឹងIdol របស់លោកគឺ លោក ណាំ ប៊ុណ្ណារ័ត្ន ។
តារាល្បីៗកំពុងមានឈ្មោះបោះសំឡេងខាងលើនឹងមិនធ្វើឱ្យទស្សនិកជនខកបំណងនោះទេ ដោយពួកគេនឹងពាំនាំបទចម្រៀងថ្មីប្លែក ដែលកំពុងពេញនិយមនាពេលបច្ចុប្បន្នដើម្បីញាំងឱ្យកម្មវិធីប្រគំតន្ត្រីទាំងមូលកាន់តែសប្បាយរីករាយ។ មិនត្រឹមតែបានជួបតារាល្បីៗខាងលើប៉ុណ្ណោះទេ កម្មវិធីប្រគំតន្រ្តី KIZZ Concert ក៏នៅតែបើកឱកាសអោយអ្នកទស្សនាដែលមានទេពកោសល្យសិល្បៈ មកបង្ហាញសមត្ថភាពផងដែរ។
រៀងរាល់ខែនឹងមានបេក្ខភាពមកបង្ហាញសមត្ថភាព ហើយមានឱកាសច្រៀងរួមគ្នាដោយផ្ទាល់ជាមួយតារាចម្រៀងអាជីព ហើយការប្រកាសស្វែងរកនិងជ្រើសរើសបេក្ខភាពមានសមត្ថភាពនឹងធ្វើឡើងតាមរយៈផ្ញើវីដេអូឃ្លីបសម្តែងរបស់សាម៉ីខ្លួនចូលមកប្រអប់សារទំព័រហ្វេសប៊ុក PNN TV Cambodia និងទំព័រហ្វេសប៊ុក KIZZ ។
រៀងរាល់ខែក្រុមការងារផលិតកម្មវិធីនឹងជ្រើសយកបេក្ខភាព ៥ រូប ដើម្បីដាក់អោយបោះឆ្នោតតាមរយៈការបង្ហោះឃ្លីបវីដេអូទាំង៥ នៅលើផេក PNN TV Cambodia ។ បេក្ខភាព ដែលមានការគាំទ្រខ្លាំងជាងគេបំផុត ១រូប ក្នុងចំណោម៥រូប នឹងត្រូវជ្រើសអោយមានឱកាសច្រៀងដោយផ្ទាល់ក្នុងកម្មវិធីប្រគំតន្រ្តី KIZZ Concert ។
KIZZ Concert ផ្សាយផ្ទាល់រៀងរាល់ ថ្ងៃសុក្រ វេលាម៉ោង ១១:០០ ថ្ងៃត្រង់ ដល់ ម៉ោង ១រសៀល នៅលើកញ្ចក់ ទូរទស្សន៍ PNN និង លើហ្វេសប៊ុកផេក KIZZ៕
ដោយ៖ អ៊ីង សូឡា