គ្រាន់តែក្រឡេកឃើញចំណងជើងរឿង ទស្សនិកជននឹងដឹងហើយថារឿងនេះ ច្បាស់ជាមានទាក់ទងនឹងកោះ ហើយកោះនោះប្រហែលជាកន្លែងដែលត្រូវចាប់ផ្តើមស្នេហ៍រវាងកម្លោះក្រមុំមួយគូជាមិនខាន។ ទន្ទឹមនឹងស្នេហាដែលពោរពេញទៅដោយភាពផ្អែមល្ហែមក៏នៅមានជម្លោះគ្រួសារ ពាក់ព័ន្ធនឹងកូនអត់ខាន់ស្លា និងកូនស្របច្បាប់។ រឿងរ៉ាវចាក់ស្រេះជាច្រើននឹងបង្កើតបានជាសាច់រឿងមួយដែលជក់ចិត្ត។ កោះទ្រង់អន្លង់ស្នេហ៍ ចាក់ផ្សាយរៀងរាល់ថ្ងៃច័ន្ទ ដល់ថ្ងៃ ព្រហស្បតិ៍ វេលាម៉ោង ៨យប់តទៅ នៅលើកញ្ចក់ទូរទស្សន៍ភីអិនអិន តែមួយគត់។