រឿង កម្លោះវណ្ណដា ប៉ះកញ្ញា សុពណ៍ទេវី នៅយប់នេះ ពុកម៉ែរបស់អ្នកគ្រូទេវី មកលេងកូនដល់កន្លែងធ្វើការ ព្រោះតែការនឹករលឹកដល់កូនស្រីដែលឃ្លាតឆ្ងាយពីផ្ទះមកជាយូរដែរហើយនោះ។ គ្រាន់តែមកដល់ភ្លាមវណ្ណដា និងមិត្តរបស់គេភ័យជាខ្លាំងព្រោះតែមិនដឹងថាពុក និងម៉ែរបស់អ្នកគ្រូកាចឬក៏ស្លូតយ៉ាងណា ទើបបានជាធ្វើអោយអ្នកទាំងពីរភ័យបែបនេះ។ 

អ្វីដែលធ្វើអោយហួសចិត្តនោះគឺ វណ្ណដា នៅពេលជួបពុក និងម៉ែ របស់អ្នកគ្រូទេវីហើយ នឹកថាចង់ដើរទៅអោយជិតដើម្បីណែនាំខ្លួនអោយលោកទាំងពីរបានស្គាល់ខ្លួន ប៉ុន្តែជួនជាចៃដន្យ ក៏បានជម្ពប់ជើងទៅចាប់ខោរបស់លោក សូផាត ដែលជាឪពុករបស់អ្នកគ្រូទេវី ធ្វើអោយរបូតខោនៅចំពោះមុខគ្រប់គ្នាតែម្តង។ 

លើកនេះ វណ្ណដា ភ័យឡើងនិយាយលែងចង់ចេញទៅហើយ ចំណែកលោក សូផាត បានបន្ទោសទៅកាន់កូនស្រីមិនគួរណាមករាប់អានវណ្ណដា និងមិត្តរបស់គេ។ លោក សូផាត និងភរិយាខឹងសម្បារជាខ្លាំងចំពោះរឿងនេះ។ តើវណ្ណដា ត្រូវប្រឈមមុខជាមួយលោក សូផាត បែបណាចំពោះទង្វើអចេតនាមួយនេះ? កុំភ្លេចរង់ចាំតាមដានទស្សនារឿង កម្លោះវណ្ណដា ប៉ះកញ្ញា សុពណ៍ទេវី ចាក់ផ្សាយរៀងរាល់ថ្ងៃចន្ទ ដល់ថ្ងៃព្រហស្បតិ៍ វេលាម៉ោង ៧យប់តទៅ នៅលើកញ្ចក់ ទូរទស្សន៍ភីអិនអិន ៕ 

ដោយ៖ ម៉ី វ៉ាន់ណែត