ការប្រកួត «Ganzberg ONE Strike»  នៅសប្ដាហ៍នេះកាន់តែថ្មីកាន់តែជក់ចិត្តជាមួយការប្រកួតសងសឹកនឹងការប្រកួតពីកីឡាករគុនខ្មែរល្បីៗ ខណៈដែរនៅចុងសប្ដាហ៍នេះ សង្វៀនគុនខ្មែររបស់ទូរទស្សន៍ ភីអិនអិន នៅតែបន្តរកំដរអារម្មណ៍ប្រិយមិត្តដោយបានសម្រិតសម្រាងយកគូរប្រកួតលក្ខណៈមិត្តភាពអន្តរជាតិដល់ទៅ៣ គូ ក្នុងនោះមានដណ្ដើមប្រាក់ ១ លានរៀលពីសា្របៀរ ហ្គេនស៍បឺគ ចំនួន ២ គូ និងអមដោយគូមិត្តភាព ៣ គូ។

អ្នកលេងគុនខ្មែរ ឡុង បេនលឿន ត្រូវប្រកួតសងសឹកជាមួយ ហ្វុនលួង ដែលអ្នកទាំងពីរនឹងត្រូវជួបប្រកួតគ្នា លើលក្ខន្តិកៈ ONE Strike ដោយប្រើប្រាស់ហ្គង់ចេញម្រាម ដើម្បីដណ្ដើមប្រាក់រង្វាន់ ១ លានរៀលបន្ថែមពី ស្រាបៀរ ហ្គេនស៍បឺគ។

ចំណែកឯការប្រកួតលក្ខណៈមិត្តភាពអន្តរជាតិ ដើម្បីដណ្ដើមប្រាក់រង្វាន់ ១ លានរៀល ១ គូទៀត គឺនាយសង្ហារគុនខ្មែរ ឡៅ ចិត្រា ត្រូវចូលខ្លួនមកប្រកួតតតាំងជាមួយកីឡាករថៃ រឹទ្ធិដេត។

ជាមួយគ្នានោះផងដែរ សង្វៀនគុនខ្មែរ «Ganzberg ONE Strike» របស់ ភីអិនអិន ក៏បានផ្ដល់ឱកាសអោយអ្នកស្នងគុនខ្មែរ ៦ រូបផ្សេងទៀត ដើម្បីឡើងប្រកួតប្រជែងល្បងស្នៀតប្រយុទ្ធគ្នា ដែលមានដូច ស៊ុម ខេមរា ត្រូវប្រកួតជាមួយ មាស មហារឹទ្ធ ហើយ លី ប៊ុនហួរ នឹងត្រូវប្រកួតជាមួយ ខាំ ចក្ររីន  ខណៈមួយគូទៀតគឺ សំអឿន សុផា ប៉ះជាមួយ កីឡាករអ៊ូបេហ្គីស្ថាន អាកូបៀ ហ្កាដូវ។

សូមប្រិយមិត្តចូលរួមធ្វើជាសាក្សីនៃការប្រកួតដ៏កក្រើកអស្ចារ្យនេះ ដែលមានផ្សាយផ្ទាល់រៀងរាល់ថ្ងៃ អាទិត្យ លើកញ្ចក់ទូរទស្សន៍ ភីអិនអិន និង ផេកហ្វេសប៊ុក PNN Sports ចាប់ពីវេលាម៉ោង ១ រសៀលតទៅ៕

ទស្សនាវីឌីអូខាងក្រោម៖

ដោយ៖ ឆុន សុខណាង