ការប្រកួត «Ganzberg ONE Strike»  នៅសប្ដាហ៍នេះកាន់តែថ្មីកាន់តែជក់ចិត្តជាមួយការប្រកួតសងសឹកនឹងការប្រកួតពីកីឡាករគុនខ្មែរល្បីៗ ខណៈដែរនៅចុងសប្ដាហ៍នេះ សង្វៀនគុនខ្មែររបស់ទូរទស្សន៍ ភីអិនអិន នៅតែបន្តរកំដរអារម្មណ៍ប្រិយមិត្តដោយបានសម្រិតសម្រាងយកគូប្រកួតលក្ខណៈមិត្តភាពអន្តរជាតិដណ្ដើមប្រាក់ ១ លានរៀលពីសា្របៀ ហ្គេនហ៍បឺគ និងអមដោយគូមិត្តភាពជាតិ ៣ គូផ្សេងទៀត។

អ្នកប្រដាល់វ័យចិត្តសឿង ចក់ ស៊ីវិន ត្រូវប្រកួតជាមួយអ្នកប្រដាល់ឆ្លងដែន ភីតឈីតឆ័យ មួយថៃយីម ដែលអ្នកទាំងពីរនឹងត្រូវជួបប្រកួតគ្នា លើលក្ខន្តិកៈ ONE Strike ដោយប្រើប្រាស់ហ្គង់ចេញម្រាម ដើម្បីដណ្ដើមប្រាក់រង្វាន់ ១ លានរៀលបន្ថែមពី ស្រាបៀរ ហ្គេនស៍បឺគ។

ចំណែកឯការប្រកួតលក្ខណៈមិត្តភាពអន្តរជាតិ ដើម្បីដណ្ដើមប្រាក់រង្វាន់ ១ លានរៀល ១ គូរទៀត គឺអ្នកប្រដាល់ ឡៅ ចិត្រា ត្រូវចូលខ្លួនមកប្រកួតតតាំងជាមួយអ្នកប្រដាល់ ចេកនួន ឌែងយីម។

ជាមួយគ្នានោះផងដែរ សង្វៀនគុនខ្មែរ  «Ganzberg ONE Strike» របស់ ភីអីនអិន ក៏បានផ្ដល់ឱកាសឲ្យអ្នកស្នងគុនខ្មែរ ៦ រូបផ្សេងទៀត ដើម្បីឡើងប្រកួតប្រជែងល្បងស្នៀតប្រយុទ្ធគ្នា ដែលមានដូចជា រិន សំណាង ត្រូវប្រកួតជាមួយ ឌុន ខ្លាតូច និងកីឡាករ យីប ឌុក នឹងត្រូវប៉ះគ្នា អេលីត ផានិត ខណៈមួយគូរទៀយគឺ លឹម ឆៃលី ត្រូវប៉ះ តែ ទួត។

សូមប្រិយមិត្តចូលរួមធ្វើជាសាក្សីនៃការប្រកួតដ៏កក្រើកអស្ចារ្យនេះ ដែលមានផ្សាយផ្ទាល់នៅថ្ងៃ អាទិត្យ ទី ១២ ខែ មីនា ឆ្នាំ ២០២៣ នេះ លើកញ្ចក់ទូរទស្សន៍ ភីអិនអិន និងផេកហ្វេសប៊ុក PNN Sports ចាប់ពីវេលាម៉ោង១រសៀលតទៅ៕

ទស្សនាវីឌីអូខាងក្រោម៖

ដោយ៖ សុវណ្ណនី