© រក្សាសិទ្ធិគ្រប់យ៉ាងដោយ PNN ប៉ុស្ថិ៍លេខ៥៦ ឆ្នាំ2025
ក្រោយបានដឹងថា នីរ៉ា ជា ទេពី ធ្វើអោយ មុនី ខឹងជាខ្លាំង ដោយបដិសេធមិនព្រមផ្តល់កម្ចីអោយ នីរ៉ា បើកអាជីវកម្ម។ បន្ទាប់ពីបានទទួលការដាស់តឿនពីលោកស្រី នារីរ័ត្ន ទើប មុនី ព្រមផ្តល់កម្ចី ប៉ុន្តែនៅតែមាត់រឹង មិនព្រមនិយាយគ្នាដូចមុន។
ចំណែក នីរ៉ា វិញ ក្រោយទទួលបានប្រាក់កម្ចី នាងក៏បានប្រឹងប្រែងធ្វើរហូតដល់ធ្លាក់ខ្លួនឈឺជាញឹកញាប់ និងជួបបញ្ហាជារឿយៗ ប៉ុន្តែក៏អាចដោះស្រាយបាន ដោយសារមាន មុនី តាមជួយពីក្រោយ ធ្វើដូចជាមនុស្សអាថ៌កំបាំង ជួយជូនទៅពេទ្យ និងជួយរកចុងភៅថ្មីអោយ ព្រោះតែចង់ឃើញ នីរ៉ា ជោគជ័យលើអាជីវកម្មដែលនាងបានស្រលាញ់។
ក្នុងនោះដែរ ឧស្សាហ៍ និង ម៉ារី យល់ព្រមទាក់ទងគ្នាជាគូស្នេហ៍ ព្រមទាំងសម្រេចចិត្តរៀបការជាមួយគ្នា និងទទួលបានចំណងអាពាហ៍ពិពាហ៍កូនៗជាទីស្រលាញ់។ ចំពោះគ្រួសាររបស់ ដារ៉ានី និងម្តាយ ក្រោយទទួលបានជំនួយពី មុនី ក្នុងការសងបំណុល និងផ្តល់ឳកាសអោយបើកមុខរបររកស៊ីដោយខ្លួនឯង អ្នកទាំងពីរបានកែខ្លួន ធ្វើជាមនុស្សល្អវិញ។
មុនី និង នីរ៉ា បន្ទាប់ពីយល់ចិត្តគ្នាហើយ អ្នកទាំងពីរក៏បានរៀបការជាមួយគ្នា បង្កើតគ្រួសារមួយយ៉ាងពេញលេញ និងកក់ក្តៅ។ អាជីកម្មក៏ទទួលបានជោគជ័យដូចដែលខ្លួនបានប៉ង ថែមទាំងបានរៀបការជាមួយមនុស្សដែលខ្លួនស្រលាញ់ និងមានកូនប្រុសគួរអោយស្រលាញ់ម្នាក់ ដែលមានចំណូលចិត្តខាងធ្វើអាហារដូចជា នីរ៉ា ធ្វើអោយអ្នកគ្រប់គ្នាយល់ថា ស្លឹកឈើជ្រុះមិនឆ្ងាយពីគល់។
ភាពយន្តភាគខ្មែររឿង «កូនចៅក្លែងកាយ ប៉ះចៅហ្វាយកំពូលកូរ» បានឈានមកដល់ភាគបញ្ចប់ហើយ តើទស្សនិកជនយល់យ៉ាងណាដែរ ចំពោះភាពយន្តមួយនេះ?
ទស្សនាវីឌីអូនៅទីនេះ៖
ដោយ៖ សុវណ្ណនី