ការប្រគំតន្រ្តី  «Ganzberg Uber Concert» នៅលើកញ្ចក់ទូរទស្សន៍ ភីអិនអិន នៅថ្ងៃ អាទិត្យ ទី ១៨ ខែ ធ្នូ ឆ្នាំ ២០២២ នេះ ប្រិយមិត្តទស្សនិកជននឹងបានជួបផ្ទាល់ជាមួយតារាចម្រៀងល្បីៗដែលកំពុងមានប្រជាប្រិយភាពក្នុងចំណោមមិត្តៗយុវវ័យនៅក្នុងប្រទេស កម្ពុជា។

តារាចម្រៀងល្បីៗដែលជាទីចំណាប់អារម្មណ៍របស់ទស្សនិកជនដែលនឹងបង្ហាញវត្តមាននៅក្នុងកម្មវិធី «Ganzberg Uber Concert» សប្ដាហ៍ចុងនេះមានដូចជា ៖ កញ្ញា វី ឌីណែត លោក ងូត សិលា កញ្ញា ដា អារីយ៉ា និងលោក ឃី សុឃុន។

តារាចម្រៀងល្បីឈ្មោះទាំងនេះនឹងពាំនាំនូវបទចម្រៀងថ្មីៗពីរោះៗ ដែលកំពុងពេញនិយមក្នុងស្រទាប់យុវវ័យ ដើម្បីបង្កបរិយាកាសកាន់តែសប្បាយរីករាយ។ ក្រៅតែពីបទចម្រៀងទាំងនេះ ពួកគេក៏មានដែរស្ទិលរាំថ្មីប្លែកៗ ដែលធានាថាអ្នកចូលរួមទស្សនាប្រាកដជាមិនខកបំណងនោះទេ។

«Ganzberg Uber Concert» ជាកម្មវិធីប្រគំតន្ត្រីបែបសម័យថ្មីដែលតែងពាំនាំនូវផ្ទាំងទស្សនីយភាពថ្មីៗ ប្លែកៗ ជាពិសេសវត្តមានតារាចម្រៀងលំដាប់ៗជា Idol របស់ទស្សនិកជនគ្រប់គ្នា ធ្វើឱ្យកម្មវិធីប្រគំតន្ត្រីមួយនេះតែងតែលេចធ្លោ និងទទួលការគាំទ្រពីទស្សនិកជន។
កុំភ្លេចរង់ចាំទស្សនាការផ្សាយផ្ទាល់កម្មវិធី «Ganzberg Uber Concert»  លើកញ្ចក់ទូរទស្សន៍ ភីអិនអិន  ថ្ងៃ អាទិត្យ ទី ១៨ ធ្នូ ២០២២ វេលាម៉ោង ៨ យប់ តទៅ៕
សូមទស្សនាវីដេអូខាងក្រោម៖

ដោយ៖ សុវណ្ណនី