សង្វៀន Ganzberg ONE Strike សប្ដាហ៍នេះកាន់តែកក្រើកអស្ចារ្យ  ជាមួយនឹងការប្រកួតវគ្គ ពាក់កណ្ដាលផ្ដាច់ព្រ័ត្រ ក្នុងវិថីឆ្ពោះទៅដណ្ដើមខ្សែក្រវាត់ និងទឹកប្រាក់ ១ម៉ឺនដុល្លា ពីស្រាបៀរ ហ្គេនស៍បឺគ ដែលជាការជួបគ្នារវាង អ្នកប្រដាល់ខ្លាំងជង្គង់ ឡុង សំណាង នឹងត្រូវតតាំងជាមួយ នូវ ដារ៉ូ របស់ក្លិបប្រដាល់គុជសារសមានរិទ្ធ។

កាន់តែពិសេសជាងនេះទៅទៀត ក្រៅពីការប្រកួត វគ្គ ពាក់កណ្ដាលផ្ដាច់ព្រ័ត្រខាងលើ ភីអិនអិន ក៏បានសម្រិតសម្រាំងគូអន្តរជាតិប្រកួតលក្ខណៈ ONE Strike ដ៏ជក់ចិត្តមួយគូទៀត គឺអ្នកប្រដាល់កែងពិឃាដល្អស្នៀត  វេង  សុភ័ក្រ្ត  មកពីក្លិបប្រដាល់បញ្ជាការដ្ឋានទ័ពពិសេស នឹងត្រូវស្វាគមន៍ជើងខ្លាំងមកពីខេត្តខនគេន ប្រទេសថៃ មង្ឃុនភិត ស៊ីតសារ៉ាវ៉ាត់នឹង ដើម្បីដណ្ដើមទឹក ប្រាក់១លានរៀលបន្ថែមពី ស្រាបៀរ ហ្គេនស៍បឺគ។

ជាមួយគ្នានោះផងដែរសង្វៀន  Ganzberg ONE Strike ក៏បានផ្ដល់ឱកាសឲ្យអ្នកស្នងគុនខ្មែរ ៤រូប ឡើងប្រកួតប្រជែងគ្នាលក្ខណៈការប្រកួតម៉ារ៉ាតុន ដណ្ដើមប្រាក់លាន ដែលជាការជួបគ្នារវាង សេក សារ៉ាន់ ប៉ះយ៉ន ពិសី ខណៈរឿង ឌីណា ជួបប្រកួតគ្នាជាមួយកីឡាករ ខឹម រស្មី។

សូមបញ្ជាក់ដែរថា កម្មវិធីប្រដាល់  Ganzberg ONE Strike ផ្សាយផ្ទាល់រៀងរាល់ថ្ងៃ អាទិត្យ លើកញ្ចក់ទូរទស្សន៍ ភីអិនអិន និង ផេកហ្វេសប៊ុក PNN Sports ចាប់ពី វេលាម៉ោង១រសៀលតទៅ៕

ទស្សនាវីដេអូខ្លីសូមចុច៖

ដោយ៖ សុវណ្ណនី