បន្ទាប់ពីកីឡាករ មឿន សុខហ៊ុច ផ្តួលកីឡាករ នួន រ៉ាថេប ឡើងទៅវគ្គពាក់កណ្តាលផ្តាច់ព្រាត់ដណ្តើមខ្សែក្រវាត់ GANZ BEG ONE STRIKE កាលពីថ្ងៃអាទិត្យកន្លងទៅនៅស្ថានីយទូរទស្សន៍ PNN ។ដោយឡែកយើងក្រឡេកទៅមើលសប្តាហ៍ ថ្ងៃអាទិត្យទី៦ ខែវិច្ឆិកា នេះកាន់តែកក្រើកសង្វៀនទៅទៀតនោះ គឺមានកីឡាករ២រូបនឹងត្រូវប្រកួតរកអ្នកឈ្នះ រវាងកីឡាករ គង់ សំបូរ ត្រូវជួបជាមួយកីឡាករ នូវ ដារ៉ូ ឡើងទៅវគ្គពាក់កណ្តាល់ផ្តាច់ព្រ័ត្រដែលមានអ្នកខ្លាំង ៣រូប រង់ចាំទទួលស្វាគមន៍ គឺកីឡាករ ឡុង សំណាង កីឡាករ ម៉ន ព្រំម៉ាញ និងកីឡាករ មឿន សុហ៊ុច។

 
ចំណែកឯការប្រគួតកាន់តែពិសេសមួយគូទៀតនៅក្នុងសប្តាន៍នេះលើសង្វៀន GANZBEG ONE STRIKE រវាងកីឡាករ មឿន ធារ៉ា នឹងត្រូវប្រកួតសងសឹកជាមួយអ្នកប្រដាល់ថៃ កងមឿងឆាង ដែលជាការប្រកួតលក្ខណៈ ONE STRIKE (ប្រើហ្គង់ MMA) ដើម្បីរកអ្នកឈ្នះទទួលបានថវិកា ១លានរៀលបន្ថែមពីលើតម្លៃខ្លួន បើយើងក្រឡេកទៅមើលគូម៉ារ៉ាតុនឯនោះវិញ មាន២គូនៅក្នុងសប្តាហ៍នេះ ដែលត្រូវប្រកួតក្នុងប្រភេទទម្ងន់ ៥៧គីឡូក្រាម ដែលមានសមាសភាពដូចជា គឿម សុវណ្ណង៉ា ប៉ះ​ ភី សុផេត និង អេ សារី ប៉ះ សូដា ម៉ាឡាកាំង។

សូមបញ្ជាក់ថា ប្រដាល់គុនខ្មែរ GANZBEG ONE STRIKE មានផ្សាយផ្ទាល់រាល់ថ្ងៃអាទិត្យ ចាប់ពីវេលាម៉ោង ១រសៀលតទៅ នៅលើកញ្ចក់ទូរទស្សន៍ភីអិនអិន និងផេកហ្វេសបុក PNN Sports៕

ទស្សនាវីដេអូខ្លីសូមចុច៖

ដោយ៖ ប៉ុន សុភាព