បេសកម្មនៃការប្រកួតវគ្គជម្រុះដណ្ដើមខ្សែក្រវាត់កម្មវិធី Ganzberg One Strike នៃស្ថានីយ ទូរទស្សន៍ ភីអិនអិន នាថ្ងៃអាទិត្យដំបូងក្នុងខែតុលា នេះ គឺជា ការប្រកួតចុងក្រោយសម្រាប់ជុំទី១ ពោលត្រូវស្វែករកម្នាក់ក្នុងចំណោម មឿន សុខហ៊ុច និង រឿន ប៊ុនរួន ដើម្បីបង្គ្រប់៨រូបនៅជុំទី២។ តើរវាងអ្នកប្រយុទ្ធគុនខ្មែរ សារីចាស់ មឿន សុខហ៊ុច ឬអ្នកប្រដាល់ក្រុងអង្គរ រឿន ប៊ុនរួន ជាអ្នកត្រូវដើរចេញពីកម្មវិធី Ganzberg OneStrike។

គួរបញ្ជាក់ផងដែរថា គិតត្រឹមសប្ដាហ៍នេះ កម្មវិធីប្រដាល់ Ganzberg One Strike ជម្រុះដណ្ដើមខ្សែក្រវាត់រដូវកាលទី៣ លើប្រភេទទម្ងន់៦៥គ. ក្រ បានធ្វើការចាប់ឆ្នោតផ្គូរផ្គង់នៅជុំទី២រួចជាស្រេចហើយក្រោយវត្តមាន សាស្ត្រាចារ្យវេជ្ជបណ្ឌិត ឆឹង យ៉ៅយ៉េន និងតំណាងក្លិបទាំងអស់ ដោយការប្រកួតនឹងចាប់ផ្ដើមពីថ្ងៃទី១៦ តុលា តទៅ ក្នុងនោះគូបើកឆាកនៃជុំទី២គឺ ឡុង សំណាង ត្រូវប៉ះ សោម វិឆ័យ, ម៉ន ព្រហ្មម៉ាញ ជួប សំអាន, មឿន សុខហ៊ុន និង រឿន ប៊ុនរួប នរណាឈ្នះឡើងទៅប្រកួតជាមួយ នួន រ៉ាថេប និងគូចុងក្រោយ គង់ សំបូរ ប៉ះ នូវ ដារ៉ូ។

កាន់តែជក់ចិត្ត និងកក្រើក លើសង្វៀន Ganzberg One Strike តែមួយផងដែរ អមជាមួយគូជម្រុះខ្សែក្រវាត់ ក្នុងនោះ អ្នកលេងពូថៅដៃ ធឿន ធារ៉ា នឹងចូលខ្លួនប្រឈមជើងខ្លាំងថៃ ថាលេថហ លក្ខណ ONE STRIKE ពាក់ហ្គង់ចេញម្រាម។ រីឯ គូដណ្ដើមជើងឯកម៉ារ៉ាតុន ប្រចាំសប្ដាហ៍នេះ លើប្រភេទទម្ងន់៥៧គ.ក្រ រួមមាន ធន់ អៀនឡេង  ប្រឈមជាមួយ ចាន់ ម៉ាប់  ស្របពេល សូដា ម៉ាឡាកាំង តតាំងនិង អេលីត ផានិត ដើម្បីរកអ្នកឈ្នះពីររូប ឡើងប៉ះគ្នាវគ្គផ្ដាច់ព្រ័ត្រ គូទី៥។ សូមជម្រាបថា កម្មវិធីប្រដាល់ Ganzberg One Strike ផ្សាយផ្ទាល់រៀងរាល់ថ្ងៃអាទិត្យ លើកញ្ចក់ទូរទស្សន៍ ភីអិនអិន និងហ៊្វេសប៊ុក PNN Sports ចាប់ពីវេលាម៉ោង១រសៀលតទៅ៕

ទស្សនាវីដេអូខ្លីសូមចុច៖

ដោយ៖ លី ហួរ