© រក្សាសិទ្ធិគ្រប់យ៉ាងដោយ PNN ប៉ុស្ថិ៍លេខ៥៦ ឆ្នាំ2025
ជារៀងរាល់សប្តាហ៍កម្មវិធីកុមារ គ្រួសាររីករាយ តែងតែបង្ហាញជូនជាមួយវត្តមានប្អូនៗកុមារា កុមារី ដែលមានភាពក្លាហានឡើងមកលេងដើម្បីទទួលបានរង្វាន់ជាច្រើនពីកម្មវិធី។ មិនត្រឹមតែប៉ុណ្ណោះ រាល់ការឡើងមកលេងរបស់ប្អូនៗតែងតែមានលោកប៉ា អ្នកម៉ាក់ បងប្រុស បងស្រី ឬអាណាព្យាបាលឡើងមកសហការលេងជាមួយ។
ដោយឡែកសម្រាប់សប្តាហ៍នេះវិញវត្តមានរបស់កុមារី សាក់ សៀវភីង ហាក់ពិសេសជាងសប្តាហ៍រាល់ដង ដោយសារតែប្អូនស្រី មានទាំងលោកប៉ាឡើងមកសហការលេងជាមួយ និងថែមទាំងមានមិត្តភ័ក្តិជិតស្និទ្ធគឺកុមារី ហេងឡឹ ឡើងមកលេង ក៏ដូចជាផ្តល់ជាកម្លាំងចិត្តកាន់តែខ្លាំងទៀតដល់ សៀវភីង។
ក្រឡេកមកមើលវិញ្ញាសារសម្រាប់សប្តាហ៍នេះវិញ សៀវភីង ចាប់បានវិញ្ញាសារមានដូចជា ឃានវិញ្ញាណ វិញ្ញាសារ គូរូប និងវិញ្ញាសារ សោតវិញ្ញាណ។ ទាំងបីវគ្គនេះប្អូនស្រី សៀវភីង និងប្អូនស្រី ហេងឡឹ សហការគ្នាបានយ៉ាងល្អក្នុងការពន្យល់ទៅកាន់លោកប៉ា។
តើរង្វាន់សប្តាហ៍នេះប្អូនស្រី សៀវភីង ដែលទទួលបានការសហការពីមិត្តភ័ក្តិជិតស្និទ្ធ អាចទទួលបានរង្វាន់ទាំងបីវគ្គដែរឬទេ? កុំភ្លេចរង់ចាំតាមដានទស្សនាកម្មវិធី គ្រួសាររីករាយ ចាក់ផ្សាយនៅថ្ងៃអាទិត្យ ទី២៨ ខែសីហា ឆ្នាំ២០២២ វេលាម៉ោង ៧:៣០នាទីយប់ នៅលើកញ្ចក់ទូរទស្សន៍ភីអិនអិន៕
ទស្សនាវីដេអូខ្លីសូមចុច៖
ដោយ៖ ម៉ី វ៉ាន់ណែត