នេះជាលើកទី ៣ ហើយ ដែលកម្មវិធីអធិរាជគុនខ្មែរ ISI PALM-ISI PIPE រៀបចំការប្រកួតជ្រើសរើសជើងឯក ម៉ារ៉ាតុន ទម្ងន់ ៥៧ គីឡូក្រាម។ ក្នុងនោះអ្នកប្រយុទ្ធជំនាន់ថ្មីថ្វីដៃមិនធម្មតា ៤ រូប នឹងឡើងមកប្រជែងគ្នាដណ្ដើមពានម៉ារ៉ាតុនអធិរាជគុនខ្មែរ ISI PALM-ISI PIPE និងប្រាក់រង្វាន់ ២ លាន ៦ សែនរៀលសប្ដាហ៍ទី ១២ នេះ។

នាសប្ដាហ៍ថ្មីនេះ ភីអិនអិន បានសម្រិតសម្រាំងជើងខ្លាំងកម្រិត ខ បួនរូបត្រូវប្រកួតគ្នា រួមមាន យ៉ន ពិសី ប៉ះ ធន់ វណ្ណឌី ដើម្បីរកម្នាក់ទៅវគ្គចុងក្រោយ រីឯ សយ សុខ ត្រូវប្រជែងកៅអីផ្ដាច់ព្រ័ត្រជាមួយ លន់ សៀកឡេង។ តើនរណាជាម្ចាស់ពានម៉ារ៉ាតុន និងប្រាក់រង្វាន់​ ២ លាន ៦ សែនរៀលសប្ដាហ៍ទី ១២ នេះ?

កាន់តែកក្រើកក្នុងកម្មវិធីតែ នាគខ្មៅជំទង់ កាន់ ម៉េងហុង ប៉ះ ខ្លារខិនជំទង់ ខាំ កូនខ្លា និង គីងកុងកំណាច អេលីត សាន់ ប្រឈមជាមួយ អ្នកប្រយុទ្ធក្រុងអង្គរ សេក ចៅជូត។

ផ្សាយផ្ទាល់លើកញ្ចក់ទូរទស្សន៍ PNN និងផ្សាយបន្តលើPage FacebooK PNN SPORTS និង Page ISI STEEL នាថ្ងៃទី ២៧ កញ្ញា ចាប់ពីម៉ោង១២ថ្ងៃត្រង់តទៅ!!!

ដោយ៖ លី ហួរ