តន្ត្រី KIZZ Concert នឹងវិលមកជួបទស្សនិកជនសារជាថ្មីម្តងទៀតក្រោយពិធីបុណ្យភ្ជុំបិណ្ឌបញ្ចប់។ ចំពោះវត្តមានរបស់តារាចម្រៀងប្រុសស្រីបីដួង រួមជាមួយនឹងក្រុមតន្ត្រីល្បីមួយក្រុមគឺក្រុម DARK STORMZ ក៏នឹងបង្ហាញវត្តមានរួមគ្នា ដោយលើកយកបទចម្រៀងពីរោះៗទៀតហើយមកចែកជូនទស្សនិកជនបានទស្សនា និងស្តាប់កម្សាន្ត។ វត្តមានតារាចម្រៀងប្រុសស្រីទាំងបីដួងរួមមាន កញ្ញា សុខ សីឡាលីន លោក នី រតនា និង កញ្ញា ម៉ូវ៉ាន់ ធីតា។ វត្តមានរបស់តារាចម្រៀងទាំងបីដួង រួមនិងក្រុម Dark Stormz នឹងមិនធ្វើអោយទស្សនិកជនខកបំណងឡើយ ជាមួយបទចម្រៀងពីរោះ ក្បាច់រាំរស់រវើក បូករួមទាំងការតុបតែងខ្លួនយ៉ាងស្រស់ស្អាត និងស្រស់សង្ហា នឹងធ្វើអោយទស្សនិកជនបានសប្បាយរីករាយទេ្វដង។ 

កុំភ្លេចរង់ចាំតាមដានទស្សនាជាមួយកម្មវីធីតន្ត្រី KIZZ Concert នៅថ្ងៃសុក្រ ទី០៤ ខែតុលា ឆ្នាំ២០២៤ វេលាម៉ោង ១១ព្រឹកតទៅ នៅលើកញ្ចក់ទូរទស្សន៍ភីអិនអិន។ អ្វីដែលកាន់តែពិសេសទៀតនោះ តន្ត្រី KIZZ Concert ក៏នៅតែបើកឱកាសអោយអ្នកទស្សនាដែលមានទេពកោសល្យសិល្បៈ មកបង្ហាញសមត្ថភាពផងដែរ។ រៀងរាល់ខែនឹងមានបេក្ខភាពមកបង្ហាញសមត្ថភាពហើយមានឱកាសច្រៀងរួមគ្នាដោយផ្ទាល់ជាមួយតារាចម្រៀងអាជីព។ ចំពោះការប្រកាសស្វែងរកនិងជ្រើសរើសបេក្ខភាពមានសមត្ថភាពនឹងធ្វើឡើងតាមរយៈផ្ញើវីដេអូឃ្លីបសម្តែងរបស់សាម៉ីខ្លួនចូលមកប្រអប់សារទំព័រហ្វេសប៊ុក PNN TV Cambodia និងទំព័រហ្វេសប៊ុក KIZZ។  រៀងរាល់ខែក្រុមការងារផលិតកម្មវិធីនឹងជ្រើសយកបេក្ខភាព ៥ រូប ដើម្បីដាក់អោយបោះឆ្នោតតាមរយៈការបង្ហោះឃ្លីបវីដេអូទាំង៥ នៅលើផេក PNN TV Cambodia ។ បេក្ខភាព ដែលមានការគាំទ្រខ្លាំងជាងគេបំផុត ១រូប ក្នុងចំណោម៥រូប នឹងត្រូវជ្រើសអោយមានឱកាសច្រៀងដោយផ្ទាល់ក្នុងកម្មវិធីប្រគំតន្រ្តី KIZZ Concert ។ KIZZ Concert ផ្សាយផ្ទាល់រៀងរាល់ ថ្ងៃសុក្រ វេលាម៉ោង ១១:០០ ថ្ងៃត្រង់ ដល់ ម៉ោង ១រសៀល នៅលើកញ្ចក់ ទូរទស្សន៍ PNN និង លើហ្វេសប៊ុកផេក KIZZ៕
 

ដោយ៖ ម៉ី វ៉ាន់ណែត