កម្មវីធីតន្ត្រីកម្សាន្តបែបប្រជាប្រិយ The Wall Song Cambodia តែងតែធ្វើអោយទស្សនិកជនផ្ទុះសំណើច ដោយសារតែវត្តមានតារាចូលរួមទាំងនៅមុខជញ្ជាំង និងតារាក្រោយជញ្ជាំង ម្នាក់ៗមានពាក្យសំដីផ្លែផ្កា ឌឺដង ដាក់គ្នាបែបសំណើចរៀងរាល់សប្តាហ៍តែម្តង។ 

ងាកមកកាន់សប្តាហ៍នេះវិញ ជឿជាក់ថាទស្សនិកជននឹងបានផ្ទុះសំណើចកាន់តែខ្លាំង ព្រោះតែនៅសប្តាហ៍នេះ វត្តមានរបស់តារាដែលចូលរួមសុទ្ធសឹងតែជាអ្នកដែលមានថ្វីមាត់ និងវោហារស័ព្ទស្តាប់ហើយតែងធ្វើអោយអារម្មណ៍សប្បាយរីករាយ និងស្រស់ថ្លា។ 

វត្តមានតារាមុខជញ្ជាំងសប្តាហ៍នេះរួមមាន យាយតយ កញ្ញា វី ឌីណែត និងកញ្ញា មីណា។ ឃើញវត្តមានតារាមុខជញ្ជាំងហើយ ទស្សនិកជនសាកទស្សន៍ទាយទៅមើលថាតើតារាក្រោយជញ្ជាំងសប្តាហ៍នេះគឺជាអ្នកណាខ្លះ? ហើយតើពួកគាត់នឹងលើកបទចម្រៀងអ្វីខ្លះមកបកស្រាយនៅសប្តាហ៍នេះ? 

ចង់ជ្រាបច្បាស់ កុំភ្លេចរង់ចាំតាមដានទស្សនាកម្មវីធី The Wall Song Cambodia ចាក់ផ្សាយនៅថ្ងៃសៅរ៍ ទី២១ ខែធ្នូ ឆ្នាំ២០២៤ វេលាម៉ោង ៨យប់តទៅ នៅលើកញ្ចក់ទូរទស្សន៍ភីអិនអិន៕ 

ដោយ៖ ដន ស្រីមុំ