រីង និងអ្នកដឹកនាំរឿង កំពុងតែសុំការចរចារជាមួយនឹងតារាសម្តែងស្រីដ៏មានប្រជាប្រិយភាពជាច្រើនឆ្នាំ នោះគឺ ខេត។ ខេត ចង់បង្កើតមុខជំនួញមួយដែលជារបស់ខ្លួនឯង ហើយផ្តាច់ខ្លួនចេញពីវិថីសិល្បៈ ប៉ុន្តែទាំងរីង ទាំងអ្នកដឹកនាំរឿង បានសុំឲ្យខេតចូលមកសម្តែងក្នុងរឿងភាគថ្មីបន្តទៀត។ 

រីង ដែលពីមុនធ្លាប់តែជាដៃគូសម្តែងប្រុសជាមួយនឹងខេត ប៉ុន្តែពេលនេះ គេគឺជាអ្នកសរសេរសាច់រឿងទៅវិញ ហើយភាពជាមិត្តដែលធ្លាប់តែឌឺដងដាក់គ្នារវាងខេត និងរីង នៅតែបន្តដដែល។ យ៉ាងណាមិញ ខេតព្រមទទួលចូលថតនៅក្នុងរឿងថ្មីនេះ ក៏មានលក្ខខណ្ឌមួយចំនួន ជាមួយនឹងរីងផងដែរ ដោយនាងសំណូមពរឲ្យរីងត្រូវដើរតួជាតួឯកប្រុសដដែល។ 

គ្រប់គ្នា ព្រមទាំងរីង ហាក់ដូចជាមិនទាន់យល់ស្របតាមការសំណូមពររបស់ខេតនោះទេ ក៏ព្រោះតែរីងដូចជាធ្លាក់ប្រជាប្រិយភាព ហើយណាមួយរូបសម្រស់ក៏ចុះថយទៅតាមវ័យផងដែរ។ 

តើការដែលខេតដាក់លក្ខខណ្ឌមួយនេះ រីងអាចនឹងសម្រេចព្រមចូលខ្លួនសម្តែងជាតួឯកប្រុសជាមួយនឹងខេតវិញឬយ៉ាងណា? សូមបន្តរង់ចាំទស្សនាភាគបន្តនៅក្នុងរឿង «ស៊ុបភើស្តា ២០០៧» មានផ្សាយជូនទស្សនានៅលើកញ្ចក់ទូរទស្សន៍ភីអិនអិន ចាប់ពីថ្ងៃចន្ទ ដល់ព្រហស្បតិ៍ វេលាម៉ោង ១១ ព្រឹកតទៅ៕ 

ដោយ៖ សិរីរដ្ឋ