កម្មវិធី The Wall Song Cambodia សប្ដាហ៍នេះកាន់តែថ្មីប្លែកមួយបែបទៀតហើយសម្រាប់ទស្សនិកជន ដោយសារតែវត្តមានតារាកិត្តិយស និងតារាក្រោយជញ្ជាំងសុទ្ធតែជាតារាល្បីៗពោរពេញដោយវោហាសព្ទ។ ទាំងនេះធានាថានឹងធ្វើឱ្យទស្សនិកជនជក់ចិត្តប្លែកអារម្មណ៍ជក់ចិត្តប្លែកអារម្មណ៍ថែមមួយកម្រិតទៀត។

ពីមួយសប្ដាហ៍ទៅមួយសប្ដាហ៍កម្មវិធី The Wall Song Cambodia ទទួលបានការគាំទ្រ និងចាប់អារម្មណ៍ជាខ្លាំងពីទស្សនិកជន ទាំងអ្នកទស្សនាលើកញ្ចក់ទូរទស្សន៍ផ្ទាល់ និងការទស្សនាតាមបណ្ដាញសង្គមរបស់ PNN ដែលកម្មវិធីតែងតែពាំនាំតារាកិត្តិយស និងតារាក្រោយជញ្ជាំងជាទីចំណាប់អារម្មណ៍របស់មហានជន។ សម្រាប់សប្ដាហ៍នេះទស្សនិកជនឹងកាន់តែប្លែកជក់ចិត្តថែមទៀត ឬអាចនឹងនឹកស្មានមិនដល់ជាមួយវត្តមានទាំងតារាកិត្តិយស និងតារាក្រោយជញ្ជាំងដែលពួកគេសុទ្ធសឹងតែជាតារាកំពុងពេញនិយមសម្រាប់ប្រិយមិត្ត។

នៅថ្ងៃសៅរ៍ទី១៦ ខែកញ្ញា ឆ្នាំ២០២៣  វត្តមានតារាកិតិ្តយស ចំនួន ៣រូប ដែលកំពុងទទួលការគាំទ្រពីទស្សនិកជន នឹងមកច្រៀងរួមគ្នាលើឆាកតែមួយនៃកម្មវិធី The Wall Song Cambodia ជាមួយតារាក្រោយជញ្ជាំង៣រូបផ្សេងទៀត ហើយជឿថាទស្សនិកជនប្រាកដជានឹកប្លែកអារម្មណ៍។​ 

តារាកិត្តិយសទាំង៣រូបសម្រាប់សប្ដាហ៍ថ្មីនេះមានដូចជាលោក សុគន្ធ ថេរ៉ាយុ កញ្ញា បាន មុនីល័ក្ខ និងលោក ជ័យ សូវ៉ាត។ ទស្សនិកជនអាចនឹងភ្ញាក់ផ្អើល ជាមួយតារាក្រោយជញ្ជាំងដោយពួកគេមិនត្រឹមតែជាតារាមានឈ្មោះល្បីខ្លាំងប៉ុណ្ណោះទេ ថែមទាំងមានទេពកោសល្យផ្សេងៗថែមទៀតផង។

តារាកិត្តិយស និងតារាក្រោយជញ្ជាំងទាំង៦រូបនឹងមកជួបជុំគ្នានៅថ្ងៃសៅរ៍ចុងសប្ដាហ៍នេះជាមួយបទចម្រៀង ការទស្សយ៍ទាយ រួមនឹងសកម្មភាពផ្សេងៗទៀតដើម្បីញាំងឱ្យបរិយាកាសនៃកម្មវិធីនេះកាន់តែសប្បាយរីករាយសម្រាប់អ្នកតាមដានទស្សនា។

ចង់ដឹងថាតើតារាអាថ៌កំបាំងទាំងបីដួងនៅក្នុងកម្មវិធី The Wall Song Cambodia សបា្តហ៍ទីនេះ ជាតារារូបណា ហើយក្នុងចំណោមតារាកិត្តិយសទាំងបី តារារូបណាដែលអាចទាយត្រូវដៃគូរបស់ខ្លួន។

 ដូច្នេះសូមកុំភ្លេចរង់ចាំទស្សនាកម្មវិធី The Wall Song Cambodia  ដែលនឹងចាក់បញ្ចាំងនៅលើកកញ្ចក់ ទូរទស្សន៍ភីអិនអិន នៅ ថ្ងៃរ៍សៅទី១៦ ខែកញ្ញា ឆ្នាំ២០២៣ ចុងសប្ដាហ៍នេះ វេលាម៉ោង ៨យប់ដល់ម៉ោង ៩យប់៕

ទស្សនាវីដេអូខ្លីសូមចុច៖ 

ដោយ៖ អ៊ីង សូឡា