ការប្រកួត «Ganzberg ONE Strike» នៅសប្ដាហ៍នេះកាន់តែថ្មីកាន់តែជក់ចិត្តជាមួយការប្រកួតសងសឹកនឹងការប្រកួតពីកីឡាករគុនខ្មែរល្បីៗ ខណៈដែរនៅចុងសប្ដាហ៍នេះ សង្វៀនគុនខ្មែររបស់ទូរទស្សន៍ ភីអិនអិន នៅតែបន្តរកំដរអារម្មណ៍ប្រិយមិត្តដោយបានសម្រិតសម្រាងយកគូប្រកួតលក្ខណៈមិត្តភាពអន្តរជាតិដណ្ដើមប្រាក់ ១ លានរៀលពីសា្របៀ ហ្គេនស៍បឺគ និងអមដោយគូមិត្តភាពជាតិ ៣ គូផ្សេងទៀត។

អ្នកប្រដាល់ពូកែគ្រប់ស្នៀត ចក់ ស៊ីវិន ត្រូវប្រកួតជាមួយអ្នកប្រដាល់ថៃ រឹទ្ធ អៃយ៉ារ៉ា ផ.ភូតភុន ដែលអ្នកទាំងពីរនឹងត្រូវជួបប្រកួតគ្នា លើលក្ខន្តិកៈ ONE Strike ដោយប្រើប្រាស់ហ្គង់ចេញម្រាម ដើម្បីដណ្ដើមប្រាក់រង្វាន់ ១ លានរៀលបន្ថែមពីស្រាបៀរ ហ្គេនស៍បឺគ។

ចំណែកឯការប្រកួតលក្ខណៈមិត្តភាពអន្តរជាតិ ដើម្បីដណ្ដើមប្រាក់រង្វាន់ ១ លានរៀល ១ គូទៀត គឺអ្នកប្រដាល់ ឡុង បេនលឿន ត្រូវចូលខ្លួនមកប្រកួតតតាំងជាមួយកីឡាករ និង ត្រាក់កាន ក.កាមន្ដវ៉ាត់។

ជាមួយគ្នានោះផងដែរ សង្វៀនគុនខ្មែរ  «Ganzberg ONE Strike» របស់ ភីអីនអិន ក៏បានផ្ដល់ឱកាសឲ្យអ្នកស្នងគុនខ្មែរ ៦ រូបផ្សេងទៀត ដើម្បីឡើងប្រកួតប្រជែងល្បងស្នៀតប្រយុទ្ធគ្នា ដែលមានដូច រឿន ប៊ុនធឿន ត្រូវប្រកួតជាមួយ ម៉ាប់ ថុនា និងកីឡាករ ពេជ្រ ម៉ាប់ នឹងត្រូវប៉ះគ្នា គុជសារ សម្ជស្ស ខណៈមួយគូរទៀតគឺ សេក សារ៉ាន់ ត្រូវប៉ះ ទី រះ។

សូមប្រិយមិត្តចូលរួមធ្វើជាសាក្សីនៃការប្រកួតដ៏កក្រើកអស្ចារ្យនេះ ដែលមានផ្សាយផ្ទាល់រៀងរាល់ថ្ងៃ អាទិត្យ លើកញ្ចក់ទូរទស្សន៍ ភីអិនអិន និងផេកហ្វេសប៊ុក PNN Sports ចាប់ពីវេលាម៉ោង ១ រសៀលតទៅ៕

ទស្សនាវីឌីអូខាងក្រោម៖

ដោយ៖ សុវណ្ណនី