នៅថ្ងៃ​ទី២៩ ខែមករា​ ឆ្នាំ២០២០ ​នេះ ស្ថានីយទូរទ្សន៍ PNN​ នឹងធ្វើការបង្ហាញ​នូវផ្ទាំងទស្សនីយភាព​ខ្សែភាពយន្តភាគថៃថ្មីមួយរឿងទៀត​ ជូនដល់​អ្នកទស្សនា​ គឺរឿង «ព្រហ្មលិខិតស្នេហ៍»​ ដែលរៀបរាប់ពី​ស្នេហាឆ្លងភពដ៏អាថ៌កំបាំង ។​

តួសម្តែងប្រុស ស្រីក្នុងរឿង ព្រហ្មលិខិតស្នេហ៍

ខ្សែភាពយន្តនេះ​ តំណាលពី​ រ៉ាសស៊ីកា​ដែលជាក្មេងស្រី​សម័យទំនើប​ មានទំនុកចិត្តលើខ្លួនឯង​និងចូលចិត្តប្រលោមលោកមនោសញ្ចេតនា ។​ ថ្ងៃមួយ​នាងទិញប្រលោមលោក​រឿង​ដូច​ព្រហ្មលិខិតស្នេហ៍​មកអាន​ ពេលអានម្ដងៗទិដ្ឋភាព​នៃរឿងនោះ​តែងផុសចេញមកស្ដែងៗ​​តែម្ដងធ្វើឲ្យនាងចម្លែកអារម្មណ៍ណាស់។ ​​កាន់តែចម្លែក​​ទៀតនោះ​​តួឯកស្រីឈ្មោះ​​ ការ៉ាកេត​ នៅក្នុងរឿងប្រលោមលោកនោះ​មានមុខម៉ាត់ដូចនាងបេះបិទ។​ 

ក្នុងរឿងនោះរៀបរាប់ពីដំណើរដើមទង របស់ ការ៉ាកេត ដែលជាកូនស្រី​អ្នកមានឋានៈខ្ពស់ម្នាក់ នាងមានចរិតស្លូតបូត និងតែងត្រូវបាន​ធ្វើបានដោយម្ដាយចុង និងប្អូនស្រី។ ក្រៅតែពីរឿងរ៉ាវស្នេហាឆ្លងភពរបស់ Rasika​ និងអ្នកអង្គម្ចាស់រូបសង្ហា ក៏នៅមានគំនុំសងសឹងគ្នាផងដែរ ​ចង់ជ្រាប់ច្បាស់កុំភ្លេចរង់ចាំទស្សនាខ្សែភាពយន្តភាគថៃរឿង ព្រហ្មលិខិតស្នេហ៍​ ផ្សាយជូនទស្សនារៀងរាល់ថ្ងៃ ចន្ទ ដល់ថ្ងៃសុក្រ វេលាម៉ោង 11:00 ដល់ម៉ោង12:00 ថ្ងៃត្រង់ នៅលើកញ្ចក់ទូរទស្សន៍ភីអិនអិន។

ទស្សនាឈុតខ្លីសូមចុច៖

ដោយ៖ បេន សិលា