ក្នុងកម្មវិធី Boostrong King of Power គុនខ្មែរនាសប្តាហ៍នេះយើងរកបានជើងខ្លាំងមកពីប្រទេសអ៊ីរ៉ង់ សាមេន ម៉ូរ៉ាឌី  ដែលមានចិត្តសឿងហ៊ានចុចឈ្មោះអ្នកប្រដាល់គុនខ្មែរ សោម ពិសិដ្ឋ  យកមកតតាំងជាមួយខ្លួន។ មិនស្ទាក់ស្ទើរឡើយ កូនសិស្សរបស់លោកគ្រូ ឡុង វិបុល ក៏ងក់ក្បាលយល់ព្រមប្រកួតដោយមិនមានចិត្តអល់ឯកតែម្តង។

សាមេន ម៉ូរ៉ាឌី បាននិយាយថាគេទន្ទឹងរង់ចាំការប្រកួតនៅក្នុងស្រុកខ្មែរជាយូរមកហើយ ហើយក៏ចង់មកជួបបងប្អូនអ្នកគាំទ្រកម្ពុជាយើងផងដែរ។ ដោយឡែក សោម ពិសិដ្ឋ ឯណោះវិញក៏បានប្តេជ្ញាចិត្តថានឹងទទួលអ្នកប្រដាល់មកពី អ៊ីរ៉ង់ រូបនេះឲ្យបានល្អបំផុតដែរ។

ការប៉ះគ្នាជាលក្ខណៈមិត្តភាពអន្តរជាតិមួយគូទៀតគឺ ពុយ ទ្បាយ ត្រូវប្រយុទ្ធជាមួយអ្នកប្រដាល់មកពី អ៊ីរ៉ង់ ដែរគឺ  ឌែនីញ៉ូល មហាម៉ាឌី។ អ្នកប្រដាល់គុនខ្មែរយើងបានបង្ហើបថាការប្រកួតមួយនេះប្រហែលជាមិនងាយស្រួលឡើយ ព្រោះកីឡាករ អ៊ីរ៉ង់ នាពេលបច្ចុប្បន្ននេះមានការអភិវឌ្ឍន៍សមត្ថភាពនិងក្បាច់គុនគួរឲ្យកត់សម្គាល់។

ជាមួយគ្នានេះដែរពីកម្មវិធីក៏មានការប្រកួតគូមិត្តភាពជាតិចំនួនបីគូទៀតដែរដែលមាន ធន់ បូរ៉ា ប្រកួតជាមួយ ខាំ មេឃា, រីគី អេមអាគមប្រកួតជាមួយ ភាព ណាវិន និង មហាតាន់ ប្រកួតជាមួយ ធន់ សំណាង។ 

កុំភ្លេចជួបគ្នានៅថ្ងៃសៅរ៍ ទី ១២ ខែ កក្កដា ឆ្នាំ ២០២៥  ចូលរួមទស្សនាដោយសេរី  នៅសង្វៀន PNN ព្រែកព្នៅ និងផ្សាយផ្ទាល់ចាប់ពីវេលាម៉ោង៥: ៣០នាទីរសៀលតទៅ នៅលើកញ្ចក់ទូរទស្សន៍ ភីអិនអិន, ហ្វេសបុក និងយូធូប PNN Sports រួមទាំងហ្វេសប៊ុក BOOSTRONG!

ដោយ៖ ស្រីមុំ