ថ្ងៃអង្គារ៍ ទី២៣ ខែមេសា ឆ្នាំ២០១៩

Kenneth Ma កាន់តែទាក់ទាញខ្លាំង​ក្នុងរឿង «តាក់ស៊ីចាប់ខ្មោច»

២៦ មីនា ២០១៩

ទស្សនិកជនដែលបានទស្សនារឿង «តាក់ស៊ីចាប់ខ្មោច» ប្រាកដជាបានដឹងថា​រឿងមួយនេះ​មានឈុតឆាក​ដ៏ជក់ចិត្តជាច្រើន ទើបសាកសមជាសមិទ្ធិផល​ដែលទទួលពានរង្វាន់ជាសាច់រឿងល្អ ប្លែកប្រចាំឆ្នាំ។

ឈុតឆាក មានលាយឡំជាមួយអភិនិហា ខ្មោច ព្រាយ បិសាច យុទ្ធសិល្ប៍និងភាព​កំប្លុកកំប្លែង​មិនចេះរីងស្ងួត។ រឹតតែពិសេសគឺតួអង្គគួរអោយចាប់អារម្មណ៍​ខ្លាំងជាងគេនៅក្នុងរឿងនេះគឺ Keneth Ma សម្តែងជាតួឈ្មោះ ម៉ាជឺ និងជាអ្នករត់តាក់ស៊ីក៏ ជាតួអង្គដែលចូលចិត្តខ្ចីលុយគេ និងប្រើស្លៀកពាក់សម្លៀកបំពាក់ចាស់ៗ។ 

សម្រាប់ការសម្តែងប្លង់នានាក្នុងរឿង តាក់ស៊ីចាប់ខ្មោច Kenneth Ma បានសារភាពថា​ពិតជាមានឈុត​ដែលគួរអោយភ័យរន្ធត់ច្រើន ប៉ុន្តែគេបានតាំងចិត្ត​សម្តែងអោយបានល្អបំផុត។

តារារូបនេះបន្តថា ក្នុងនោះមានឈុតមួយ​ដែលត្រូវថតនៅចំពេលយប់ជ្រៅ ហើយនៅតំបន់ព្រៃភ្នំទៀត ចំណែកបះសក់​គឺឆាកមួយនោះ​តំរូវអោយរត់ជាមួយតុក្កតាខ្មោច មិនថារត់ទៅកន្លែងណាក៏ដោយ​ក៏តុកត្តានោះត្រូវតែ​តាមទៅដល់ទីនោះជានិច្ចដែរ!សួរថា អ្នកណាមិនព្រឺសម្បុរ?

អ្វីដែលធ្វើអោយលោកកាន់តែរន្ធត់ទៀតនោះគឺ​លោកបានលឺគេនិយាយតៗគ្នាថា មានអ្នករត់តាក់ស៊ីម្នាក់ បានដឹកភ្ញៀវទៅដល់កន្លែងកប់ខ្មោច ហើយភ្ញៀវនោះបានហុចលុយអោយ​អ្នករត់តាក់ស៊ីនោះ ប៉ុន្តែលុះព្រឹកឡើងលុយនោះ​បានក្លាយជាលុយខ្មោចទៅវិញ។ ការនិយាយតៗគ្នានេះ បានធ្វើអោយលោកស្រមៃ​ដល់ឈុតដែលលោកនឹងត្រូវថតក្នុងរឿង «តាក់ស៊ីចាប់ខ្មោច»៕ 

រឿង «តាក់ស៊ីចាប់ខ្មោច» ចាក់ផ្សាយរៀងរាល់ថ្ងៃ ចន្ទ-សុក្រ វេលាម៉ោង ១១:០០ព្រឹក នៅលើកញ្ចក់ទូរទស្សន៍ភីអិនអិនតែមួយគត់៕

Copyright © 2017 PNN TV. All Rights Reserved.