នាដើមខែមីនានេះកម្មវិធី «សមរភូមិសួនទឹក Water War» ដែលឧបត្ថម្ភដោយ ស្រាបៀរ ហនុមាន នឹងផ្តើមរដូវកាលថ្មី នៅលើកញ្ចក់ទូរទស្សន៍ ភីអិនអិន ដោយសម្រឹតសម្រាំងយកហ្គេមប្លែកៗ ទទួលបានគ្រប់រសជាតិ មានទាំងភាពសប្បាយរីករាយ ភ័យបុកពោះ លស់ព្រលឹង ពីសំណាក់តារាកិត្តិយសដែលចូលរួមប្រកួតប្រជែងគ្នាដើម្បីដណ្តើមប្រាក់លានពីកម្មវីធី។ អ្វីដែលកាន់តែប្លែកទៀតនោះកម្មវិធី «សមរភូមិសួនទឹក Water War» រដូវកាលថ្មីនេះ រៀបចំទីតាំងថតជាពិសេសនៅឯ សួនទឹកហ្គាឌិនស៊ីធីវ៉ធឺផាក (Garden City Water Park) ដែលជាសួនទឹកដ៏ធំជាងគេបង្អស់នៅប្រទេសកម្ពុជា។ 

ដោយឡែកសម្រាប់ពិធីករ និងពិធីការនីដែលត្រូវជ្រើសរើសមកដំណើរការកម្មវិធីនេះគឺអ្នកនាង ពេជ្រ ចាន់ធីតា និងលោក យ៉ារ៉ូ ដែលទស្សនិកជនក៏ធ្លាប់បានដឹងមកហើយថាអ្នកទាំងពីរសុទ្ធតែពូកែខាងវោហារស័ព្ទនិងភាពប៉ិនប្រសប់និយាយកំប្លុកកំប្លែងធ្វើអោយកម្មវិធីទាំងមូលពោរពេញទៅដោយភាពសប្បាយរីករាយ។

កម្មវិធីនេះចាក់ផ្សាយនៅរៀងរាល់ថ្ងៃសៅរ៍ វេលាម៉ោង ៨:០០ ដល់ម៉ោង ៩:០០ យប់ ចាប់ពីថ្ងៃសៅរ៍ ទី០៥ ខែមីនា ឆ្នាំ២០២២ តទៅ នៅលើកញ្ចក់ទូរទស្សន៍ ភីអិនអិន និងតាមរយៈទំព័រហ្វេសបុក Hanuman និង ទំព័រហ្វេសបុក Water War៕