The Wall Song កម្មវិធីកម្សាន្តដ៏ធំមួយរបស់ប្រទេសថៃដែលកំពុងតែកក្រើក និងល្បីល្បាញខ្លាំង នឹងមកដល់ប្រទេសកម្ពុជានាពេលឆាប់ៗនេះ តាមរយៈកញ្ចក់ទូរទស្សន៍ ភីអិនអិន តែមួយគត់។ បច្ចុប្បន្ន ក្រៅពីកំពុងទទួលការគាំទ្រខ្លាំងនៅក្នុងប្រទេសថៃ កម្មវិធី The Wall Song ក៏បានពង្រីកខ្លួនទៅកាន់ប្រទេសចំនួន៤ផ្សេងទៀតរួមមាន ប្រទេស ហូឡង់ ប្រេស៊ីល វៀណាម និងចុងក្រោយនេះគឺប្រទេស កម្ពុជា តាមរយៈស្ថានីយទូរទស្សន៍ ភីអិនអិន ដែលទទួលបានសិទ្ធផ្តាច់មុខក្នុងការផលិតជូនទស្សនិកជនបានទស្សនា។

ជាមួយវត្តមាននៃកម្មវិធីកម្សាន្តដ៏ធំមួយនេះនៅកម្ពុជា ជឿជាក់ថានឹងធ្វើអោយទស្សនិកជនទទួលបានភាពរីករាយទ្វេដង។ ជារៀងរាល់សប្តាហ៍ The Wall Song នឹងមានវត្តមានតារាកិត្តិយស ដែលតារាកិត្តិយសទាំងនេះអាចជាតារាចម្រៀង តារាសម្តែង ឬតារាទើបរះថ្មីក្នុងវិស័យសិល្បៈ មកច្រៀងនៅលើឆាករួមគ្នាជាមួយតារាចម្រៀងដៃគូអាថ៍កំបាំង ដោយតារាទាំងអស់គ្នាមិនបានដឹងពីសមាសភាពនៃតារាចូលរួមកម្មវិធីជាមួយខ្លួនឡើយ បន្ថែមពីនេះកម្មវិធីតម្រូវឲ្យក្រុមតារាទាំងអស់ច្រៀងដោយមានជញ្ជាំងបាំងបិទមិនអាចមើលឃើញថាតើខ្លួនកំពុងច្រៀងជាមួយតារាចម្រៀងក្នុងដូងចិត្តរបស់ខ្លូនម្នាក់ណាឡើយ។ ចង់ទទួលបានភាពរីករាយ ចំណីអារម្មណ៍ប្លែកភ្នែក កុំភ្លេចរង់ចាំតាមដានទស្សនកម្មវិធីកម្សាន្តថ្មី The Wall Song ចាក់ផ្សាយរៀងរាល់ថ្ងៃសៅរ៍ ម៉ោង ៨យប់ - ៩យប់៕