កម្មវិធីតន្ត្រីថ្មីសន្លាងមួយរបស់ ភីអិនអិន M-150 Extra Concert ផ្តើមដំណើរការផ្សាយផ្ទាល់លើកដំបូងនៅថ្ងៃចុងក្រោយនៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ពោលគឺនៅថ្ងៃសៅរ៍ ទី២០ ខែវិច្ឆិកា ឆ្នាំ២០២១ ។ ជាការពិតណាស់ ដូចដែលទស្សនិកជនបានដឹងរួចមកហើយសម្រាប់កម្មវិធីតន្ត្រីទាំងអស់ដែលមាននៅស្ថានីយទូរទស្សន៍ ភីអិនអិន តែងតែដំណើរការផ្សាយនៅពេលល្ងាច និងពេលយប់។ 

ប៉ុន្តែដោយឡែកសម្រាប់តន្ត្រី M-150 Extra Concert នឹងមកអង្រួនអារម្មណ៍ទស្សនិកជននាវេលាម៉ោង ១១:០០ ព្រឹកវិញម្តង។ កម្មវិធីតន្ត្រីថ្មីសន្លាងមួយនេះនឹងបង្ហាញទស្សនីយភាពថ្មី ប្លែក ជាមួយតារាចម្រៀងដែលសុទ្ធសឹងតែមានឈ្មោះបោះសម្លេង ក្បាច់រាំថ្មី បទចម្រៀងពេញនិយម និងជាពិសេសទៀតនោះ ទស្សនិកជននឹងបានទស្សនាជាមួយការសម្តែងឈុតខ្លីៗទៅតាមអត្ថន័យនៃបទចម្រៀងផងដែរ។ 

មិនត្រឹមតែជួបជាមួយតារាចម្រៀងប្រុសស្រីល្បីៗប៉ុណ្ណោះទេ ទស្សនិកជននឹងបានទស្សនាជាមួយការរៀបចំតុបតែងលម្អរឆាកយ៉ាងត្រជាក់ភ្នែក អមទៅដោយភ្លើងចម្រុះពណ៍យ៉ាងស្រស់ស្អាត។ អ្វីដែលសំខាន់ទៀតនោះតារាបីដួងដែលនឹងមកគ្រងដំណែងជាពិធីករ ពិធីការនីក្នុងកម្មវិធីនេះរួមមាន លោក ប៉ែន ចំរ៉ុង កញ្ញា កែវ សីហា និង នាយ ព្រែក ។ តារាទាំងបីដួងប៉ះគ្នាលើកនេះនឹងធ្វើអោយតន្ត្រី M-150 Extra Concert កាន់តែមានភាពសប្បាយរីករាយថែមមួយកម្រឹត។

តន្ត្រី M-150 Extra Concert  ផ្សាយផ្ទាល់រៀងរាល់ថ្ងៃសៅរ៍ វេលាម៉ោង ១១:០០ ព្រឹក នៅលើកញ្ចក់ទូរទស្សន៍ភីអិនអិន!!!!