កម្មវិធី «Lucky Game» ជាកម្មវិធីថ្មីសប្បាយៗរបស់ស្ថានីយទូរទស្សន៍ ភីអិនអិន ដោយបេក្ខជន និងបេក្ខនារីដែលចូលរួមលេងនៅក្នុងកម្មវិធី ត្រូវពឹងផ្អែកទៅលើភាពសំណាងរៀងៗខ្លួន ដោយមិនចាំបាច់បង្ហាញសមត្ថភាពអ្វីឡើយ។ ក្នុងនោះដែរ កម្មវិធីក៏បានជ្រើសរើសយកលេខខ្មែរពីលេខ ១ ដល់លេខ ៩ ដើម្បីធ្វើជាលេខសំណាងរបស់បេក្ខជន និងបេក្ខនារីទាំង ៩ រូប។ នៅក្នុងកម្មវិធីតម្រូវអោយមានអ្នកចូលរួមលេងចំនួន ៩ នាក់ ដោយមាន ៩ ហ្គេម និង ៩ វគ្គ។ នៅក្នុងមួយវគ្គ បេក្ខជន និងបេក្ខនារីត្រូវលេងមួយហ្គេម។ ពីមួយវគ្គទៅមួយវគ្គនឹងត្រូវជម្រុះបេក្ខជនមួយរូប ដើម្បីស្វែងរកអ្នកដែលមានសំណាងចុងក្រោយគេឆ្លងទៅកាន់វគ្គ Jack Pot និងមានសិទ្ធិជ្រើសរើសប្រអប់សំណាងចំនួន​ ២ ដែលខ្លួនពេញចិត្តក្នុងចំណោម ៩ ប្រអប់ ដោយនៅក្នុងប្រអប់នីមួយៗមានលេខតាងពីលេខ ១ ដល់លេខ ៩។

កម្មវិធី «Lucky Game» មានផ្សាយជូនទស្សនារៀងរាល់ថ្ងៃ អាទិត្យ ចាប់ពីវេលាម៉ោង ៦ ល្ងាចតទៅ នៅលើកញ្ចក់ទូរទស្សន៍ ភីអិនអិន៕