កម្មវិធី Idol Fun House។ Idol Fun House គឺជាកម្មវិធីដណ្ដើមប្រាក់លាន ផ្ដល់ទាំងសំណើច និងចំណេះដឹងជូនទៅដល់អ្នកទស្សនា ដោយមិនអោយខកបំណងនោះឡើយ។ តារាល្បីៗនៅក្នុងវិស័យនានានឹងចូលខ្លួនមកបង្ហាញដើម្បីញាំឱ្យបរិយាកាសនៃកម្មវិធីកាន់តែសប្បាយរីករាយ។

យ៉ាងណាមុននឹងកម្មវិធីនេះលេចវត្តមានជាផ្លូវការនៅលើកញ្ចក់ ទូរទស្សន៍ PNN សូមទាញអារម្មណ៍ទស្សនិកជនមកទស្សនា ឆាកថ្មីប្លែកដ៏ទាក់ទាញ ដែលក្រុមការងារ PNN បានរៀបចំឡើង ដោយមានការច្នៃប្រឌិតខ្ពស់។ ទាំងនេះគឺធ្វើឡើងដើម្បីឆ្លើយតបទៅនឹងតម្រូវការរបស់អ្នកទស្សនាដែលតែងតែចង់បានរសជាតិថ្មីប្លែក និងទាក់ទាញ ហើយ PNN តែងតែផ្ដលជូនអ្នកទស្សនា មិនឱ្យខកបំណងនោះទេ។

ពិធីករ ពិធីការិនីវ័យក្មេងពីររូបពោរពេញដោយសមត្ថភាព និងសម្រស់គឺ កញ្ញា ពេជ្រ ច័ន្ទធីតា និង លោក យារ៉ូ បានត្រៀមខ្លួនរួចជាស្រេចហើយដើម្បីធ្វើយ៉ាងណាជួយរួមចំណែកធ្វើឱ្យកម្មវិធីថ្មីមួយនេះទទួលការគាំទ្រកាន់តែខ្លាំងពីមហាជន។

ទន្ទឹមនឹងការដាក់ចិត្តដាក់កាយធ្វើកម្មវិធី Idol Fun House នេះឱ្យទទួលការគាំទ្រពីទស្សនិកជនពិធីករ ពិធីការិនី PNN ទាំង២រូប ក៏ស្នើឱ្យទស្សនិកជនរង់ចាំទស្សនាកម្មវិធីនេះទាំងអស់គ្នា ដោយពួកគេសន្យាថាពិតជាប្លែកជាមួយភាពសប្បាយរីករាយ រួមទាំងការផ្ដល់ចំណេះដឹងថែមទៀត។