បន្ទាប់ពីសម្រេចជោគជ័យអស់រយៈពេល១២ខែ ពោលគឺ២រដូវកាលកន្លងផុតទៅ កម្មវិធីប្រដាល់គុនខ្មែររបស់ ស្ថានីយទូរទស្សន៍ PNN ដែលទទួលបានការឧបត្ថម្ភផ្ដាច់មុខពី ក្រុមហ៊ុនស្រាបៀរ Ganzberg បានបន្តដំណើរទៅមុខរហូតដល់ដំណាច់ឆ្នាំ២០២២ ដែលនោះគឺជារដូវកាលទី៣ នៃកម្មវិធីប្រដាល់គុនខ្មែរ Ganzberg Onestrike នឹងចាប់ផ្ដើមយុទ្ធនាការប្រកួតជម្រុះពីសប្ដាហ៍ទី១ នៃខែសីហា តទៅ។

Ganzberg Onestrike រដូវកាលទី៣ គឺនៅរក្សារូបមន្តដដែល ពោលគឺការប្រកួតចាញ់ធ្លាក់ ដោយឡែកសម្រាប់បេក្ខភាពទម្ងន់៦៥គីឡូដែលមកពី១៦ក្លិបផ្សេងគ្នា រូមមាន ៖ កីឡាករ ធន់ ចាន់តាក់, នូវ ដារ៉ូ, គង់ សំបូរ, ផាន់ រះ, មឿង សុខហ៊ុច, សេក គឹមរួន, ផាន់ គ្រាន់, វ៉ែន ហុងជីវង្ស, ឡុង សំណាង, សូត្រ ខេវិន, ម៉ន ព្រហ្មម៉ាញ, តាំង សីហា, គិន សំបូរ, នួន រ៉ាថេប, សោម វិឆ័យ, ខុន ស៊ីចន។

សូមបញ្ជាក់ថា កម្មវិធីប្រដាល់ Ganzberg One Strike នៃ ស្ថានីយទូរទស្សន៍ PNN នឹងបើកយុទ្ធនាការជម្រុះដណ្ដើមខ្សែក្រវាត់ អមជាមួយប្រាក់រង្វាន់១ម៉ឺនដុល្លារអាមេរិក រដូវកាលទី៣ ដែលនឹងចាប់ផ្ដើម ពីថ្ងៃទី ៧ ខែសីហា ឆ្នាំ២០២២ នេះហើយ៕