ចាប់ពីថ្ងៃច័ន្ទ ទី៣០ ខែកញ្ញា នេះទៅ ភីអិនអិននឹងចាក់ផ្សាយរឿងភាគថៃចំណងជើង គំនាបជីវិត។ រឿង នេះបង្ហាញពីជីវិតនារីម្នាក់ សុខចិត្តបោះបង់ការសិក្សា មករៀបការជាមួយនឹងបុរសដែលនាងស្រឡាញ់។ ក្រោយរៀបការហើយ នាង និងស្វាមី ទទួលបានចំណងដៃកូនស្រីពីរនាក់ ប៉ុន្តែជីវិតរៀបការរបស់នាងគឺបានត្រឹមតែមើលថែរប្តី និងកូនតែប៉ុណ្ណោះ នាងគ្មានសិទ្ធធ្វើអ្វីផ្សេងក្រៅពីនេះឡើយ។ ក្រោយស្វាមីស្លាប់ដោយសារជម្ងឺអេដស៍នាងក៏ត្រូវមើលថែរកូនស្រីទាំងពីរដោយខ្លួនឯងផ្ទាល់ បើទោះបីជាពួកគេធំពេញរូបពេញរាងក៏ពិតមែន ប៉ុន្តែការបារម្ភពីម្តាយទៅកូនតែងតែមានជានិច្ច។ 

ដោយសារតែជីវិតក្រោយរៀបការមិនត្រូវបានធ្វើការអ្វីក្រៅតែពីនៅផ្ទះ នាងត្រូវបានកូនស្រីច្បងតែងតែនិយាយផ្លែផ្កាអោយជានិច្ច ដោយមិនគិតពីអារម្មណ៍ម្តាយបែបណាឡើយ។  រឿងនេះ ត្រូវបានចូលរួមសម្តែងពីសំណាក់តារាជើងចាស់គឺអ្នកនាង អានស៊ីរីយ៉ាម សម្តែងជាតួនាង យ៉ានី ចំណែកតួប្រុសសម្តែងដោយ ភូណាត់ថាវុធ សម្តែងជាតួអង្គវីវីត រួមនឹងតារាពន្លកក្រោយរួមមាននាង ព្រីមរ៉ានីដា សម្តែងជាតួ ផ្លយរុង អាយផានូវ៉ាត់ សម្តែងជាតួ ណាភុង រួមនឹងតារាប្រុសស្រីល្បីៗជាច្រើនដួងទៀតប្រចាំប្រទេសថៃ។  ចង់ដឹងថាតើរឿង គំនាបជីវិត ល្អមើលយ៉ាងណានោះ កុំភ្លេចរង់ចាំតាមដានទស្សនាដោយមានការចាក់ផ្សាយរៀងរាល់ថ្ងៃច័ន្ទ ដល់ថ្ងៃព្រហស្បតិ៍ វេលាម៉ោង ១១ព្រឹកតទៅ នៅលើកញ្ចក់ទូរទស្សន៍ភីអិនអិន៕