រឿង ស្វាមីទុរយស ទើបតែបញ្ចប់ទៅកាលពីយប់ម៉ិញនេះ ចំពោះរឿងភាគថៃដែលចូលខ្លួនមកបម្រើអារម្មណ៍ទស្សនិកជនបន្តពីរឿងនេះគឺរឿង ដុកទ័រស៊ើបអង្កេត ។  តួសម្តែងក្នុងរឿង គ្រូពេទ្យស៊ើបអង្កេត នេះសុទ្ធតែជាកំពូលតារាសម្តែងនៃប្រទេសថៃ មានលោក ណាដេត សម្តែងជាតួ ឃុន ចាប់ដៃគូជាមួយតារាសម្តែងស្រីនាង គីមបឺលី សម្តែងជាតួ ជេន រួមនិងតារាសម្តែងជាច្រើនរូបទៀត។ 

រឿងមួយនេះនឹងបង្ហាញពីបេសកកម្មពិសេសរបស់លោកគ្រូពេទ្យឃុន ចំពោះករណីឆ្លងរាតត្បាតនៃជំងឺផ្សេងៗ។ ចំណែកឯង ជេន គឺជាអ្នកកាសែតឆ្នើមដែលតែងតែចាំប្រមាញ់រាល់ព័ត៍មានទាំងឡាយណាដែលមានការចាប់អារម្មណ៍ពីមហាជន។ ឃុន និង ជេន ទោះបីជាធ្វើការជួយសង្គមដូចគ្នាពិតមែន ប៉ុន្តែពួកគេទាំងពីរនាក់ មិនដែលត្រូវគ្នាទេ ព្រោះ ឃុន គឺជាគ្រូពេទ្យដែលមិនចូលចិត្តបង្ហាញក្នុងបណ្តាញសារព័ត៍មានផ្សេងៗឡើយ ប៉ុន្តែ ជេន ដែលជាអ្នកសារព៍ត័មាន ត្រូវមានតួនាទី ដើម្បីសម្ភាសន៍ និងព្យាយាមជីកកកាយយកព័ត៍មានផ្សេងៗដែលជាទីចាប់អារម្មណ៍របស់មហាជនមកចុះផ្សាយ។

ព្រោះតែអ្នកទាំងពីរមានអាជីពផ្សេងគ្នា និងមានចំណូលចិត្តខុសគ្នា ទើបបានជាធ្វើអោយពួកគេមិនអាចចុះសម្រុងនឹងគ្នាបាន។ តើជេន ធ្វើយ៉ាងណាទៅដើម្បីអាចសម្របខ្លួនចូលទៅជិតឃុន ដើម្បីបានព័ត៍មានដែលគេចង់បាន? ចង់ជ្រាបច្បាស់ កុំភ្លេចរង់ចាំតាមដានទស្សនារឿង ដុកទ័រស៊ើបអង្កេត ចាក់ផ្សាយរៀងរាល់ថ្ងៃច័ន្ទ ដល់ថ្ងៃ ព្រហស្បតិ៍ វេលាម៉ោង ៩យប់តទៅ នៅលើកញ្ចក់ទូរទស្សន៍ភីអិនអិន៕