សៃ គឺជាក្មេងស្រីមានរូបសម្រស់ស្រស់ស្អាត គួរឲ្យទាក់ចិត្ត មិនថាមនុស្សប្រុស ឬមនុស្សស្រីបានឃើញនាងហើយ តែងមានចិត្តលង់ស្រឡាញ់។ អភ័ព្វជីវិតបន្តិច សៃ គឺគ្រាន់តែជាក្មេងស្រីកំព្រាគ្មានឪពុកម្តាយ ហើយត្រូវ ឪពុករបស់នារីម្នាក់ឈ្មោះ រ៉ុង រើសយកមកចិញ្ចឹម។ សៃ បានចូលទៅរស់នៅផ្ញើខ្លួន ក្នុងដំបូលផ្ទះរបស់រ៉ុង។ ជាច្រើនឆ្នាំ សៃក៏ធំពេញរូបពេញរាង ប៉ុន្តែឪពុករបស់រ៉ុង បានស្លាប់បាត់បង់ជីវិតបាត់ទៅហើយ។ ឪពុករ៉ុង ក៏បន្សល់ក្មេងស្រីកំព្រាម្នាក់នេះ ឲ្យទៅរ៉ុងជាអ្នកមើលថែជំនួស។ រ៉ុង គឺជាមនុស្សស្រី ប៉ុន្តែអារម្មណ៍ស្រើបស្រាលរបស់គេ បែរជាដូចគ្នាទៅនឹងមនុស្សប្រុសទៅវិញ។ សៃ ត្រូវបានក្លាយជាទាសករផ្លូវភេទរបស់រ៉ុង ដោយមិនត្រឹមតែប៉ុណោះ រ៉ុង ថែមទាំងហួងហែង សៃ គ្រប់ពេលដែលនាងជាមួយនឹងមនុស្សប្រុសផ្សេងទៀតផង។ មិនយូរប៉ុន្មាន សៃ មានអារម្មណ៍ធុញថប់នឹងជីវិតដែលមកធ្វើជាទាសករផ្លូវភេទ ជាមួយនឹងមនុស្សស្រីដូចគ្នាទៅវិញ ។ ថ្ងៃមួយ នាងបានសម្រេចចិត្តរត់ចេញពីផ្ទះរបស់រ៉ុង ដោយការគេចខ្លួន ពីការតាមចាប់ ពីមនុស្សរបស់រ៉ុង។ ក្នុងពេលនោះ សៃ បានជួបនឹងមនុស្សថ្មីៗជាច្រើន ហើយបញ្ហាស្នេហា ដែលកើតជារឿងប្រទាក់ក្រឡាគ្នា ប្រជែងគ្នា ជាមួយនឹង ម្ចាស់ស្រីរបស់គេ គឺ រ៉ុង។