រីង គឺជានារីម្នាក់ដែលមានសមត្ថភាពខ្ពស់មិនចាញ់មនុស្សប្រុសប៉ុន្មានទេ ដោយសារតែនាងត្រូវបានគេនាំឲ្យមករស់នៅក្នុងគ្រួសារមួយ ដែលជាគ្រួសារអភិជន មានការហ្វឹកហាត់បង្រៀនពីក្បាច់ការពារខ្លួន ដូចជាអង្គរក្សជាដើម។ គ្រួសារនោះ មានកម្លោះសង្ហារម្នាក់ ឈ្មោះ សីង ដែលត្រូវបានគេស្គាល់ថាជាកូន និងជាចៅសំណព្វចិត្តក្នុងគ្រួសារ។ ដោយសារតែការស្រឡាញ់ពេញចិត្តនឹងសមត្ថភាពរបស់ រីង ក៏មានការផ្សំផ្គុំឲ្យមានការរៀបការរវាង រីង និងសីងតែម្តង។ ក្រោយពីរៀបការរួច រីងបែរជាសម្រេចចិត្តរត់ចេញពីគ្រួសាររបស់ សីង ក៏ព្រោះតែនាងគិតថា ថ្ងៃណាមួយ នាងគ្រាន់តែក្លាយជារនាំងការពារសម្រាប់គេប្រើប្រាស់តែប៉ុណ្ណោះ។ បន្ទាប់ពីរត់ចេញពីគ្រួសារសីងហើយ រីងក៏បានទៅធ្វើជាអង្គរក្សការពារកូនស្រីរបស់គ្រួសារអភិជនមួយ ។ ក្នុងពេលនោះដែរ សីងក៏បានជួបនឹងគ្រោះថ្នាក់ ដោយសារតែការប្រកួតប្រជែងលើមុខជំនួញដែលគ្រួសារគាត់បន្សល់ទុកអោយ រហូចលេចវត្តមានរបស់រីងចូលមកជួយ។ សីង ក៏បានយករីងត្រឡប់ចូលគ្រួសារវិញ។ ក្នុងពេលនេះ រវាងចៅហ្វាយរបស់នាងពីមុន និងអ្នកមានគុណគឺគ្រួសារសីង រីងត្រូវធ្វើការពីរក្នុងពេលតែមួយ ហើយមានរឿងរ៉ាវជាច្រើន ដែលបានកើតឡើង រវាង ដៃគូសត្រូវមុខជំនួញទាំងពីរគ្រួសារអភិជននេះ។