« ដើម្បីអូន »  ជាខ្សែសាច់រឿងដែលបង្ហាញពីស្នេហាគូស្នេហ៍មួយគូ បានជួបគ្នាហើយក៏ប្រែជាបែកបាក់គ្នាទៅវិញដោយជួបនូវរឿងនឹកស្មានមិនដល់។ សៃឃីម គឺជាកូនស្រីអភិជនមួយរូប មានឪពុកជាអ្នកជំនួញដ៏ល្បីល្បាញក្នុងស្រុក។ ថ្ងៃមួយ នាងបានជួបនឹង ខ្លា ដែលជាកូនអ្នកក្រីក្រ មានការងារធ្វើត្រឹមតែជាកូនចៅគេ។ ខ្លាធ្វើការងារជាជាងជួសជុលរថយន្តនៅយានដ្ឋានមួយ។ សៃឃីម បានជួប ខ្លា ហើយក៏មានចិត្តឲ្យគ្នាទៅវិញទៅមក តែព្រោះតែឋានៈគ្រួសារ ដូចមេឃ និងដី ក៏បណ្តាលឲ្យអ្នកទាំងពីរ ត្រូវបែកគ្នា។ ២ឆ្នាំ បានកន្លងផុតទៅ សៃឃីម និង ខ្លា បានជួបគ្នាម្តងទៀត ប៉ុន្តែខៅលើកនេះ ជាមនុស្សថ្មីដែលខុសពីមុនដាច់ស្រឡះ។ ខ្លា បានក្លាយជាកូនប្រុសចិញ្ចឹមរបស់មហាសេដ្ឋីម្នាក់ ហើយក៏ជាអ្នកស្នងមរតកបន្តផងដែរ។ ទំនាក់ទំនងរបស់ពួកគេទាំងពីរ ចាប់ផ្តើមកើតឡើងម្តងទៀត ប៉ុន្តែមិនមែនដូចជាកាលពី២ឆ្នាំមុននោះឡើយ។