ផារីឆាត និង ទ្រីន ជាសង្សារក្រៅផ្លូវការដែលមួយរយៈក្រោយមក ដោយសារតែភាពស្និទ្ធស្នាលនឹងគ្នាកាន់តែខ្លាំង ក៏ធ្វើឲ្យផារីឆាតមានផ្ទៃពោះដោយមិនដឹងខ្លួន។ ជួនជាពេលនោះ ទ្រីនត្រូវបានគ្រួសារបង្ខំអោយរៀបការជាមួយនឹងស្រីផ្សេងបាត់ទៅហើយ។ ផារីឆាត ត្រូវក្លាយជាជនរងគ្រោះ ឈឺចាប់តែម្នាក់អែង រហូតបង្ខំចិត្តរំលូតកូនចោល។ គ្រួសាររបស់ផារីឆាត បានដឹងពីទង្វើមិនទទួលខុសត្រូវរបស់ទ្រីត ហើយក៏បង្កើតបានជាគំនុំសងសឹកជំនួសផារីឆាតតែម្តង។ ជាច្រើនឆ្នាំកន្លងផុតទៅ ដែលផារីឆាត សម្រេចទៅរស់នៅឆ្ងាយពីជីវិតរបស់ទ្រីត ប៉ុន្តែការចងចាំនូវស្នេហ៍ចាស់ និងការឈឺចាប់ នៅមិនទាន់អាចរលុបបានទេ។ ផារីឆាត ត្រឡប់មកវិញ ដោយក្លាយជាមនុស្សថ្មី ហើយនាងបានព្រួតដៃជាមួយនឹងបងប្អូនស្រីរបស់នាង ដើម្បីសងសឹកគ្រួសាររបស់ទ្រីតវិញ។ ចំណែកឯគ្រួសារខាងប្រពន្ធរបស់ទ្រីត ក៏មិនមែនជាមនុស្សងាយចុះញ៉មនឹងអ្នកណាដែរ។ សង្គ្រាម ប្រជែងគ្នា ត្រូវបានកើតឡើង ដោយម្នាក់ៗ ព្យាយាមរកល្បិចកល ដើម្បីយកឈ្នះរៀងៗខ្លួន។