មុខ ជាមនុស្សស្រីស្អាត ឆ្លាត និងពូកែជាពិសេសរឿងការងារ មានការប្រកួតប្រជែង ដោយប្រើប្រាស់ចំណេះដឹងជាដើមទុន ក្នុងជ័យជម្នះក្នុងគ្រោងការនីមួយៗ។ ស្រស់ស្អាត ឆើតឆាយ ចូលចិត្តនៅជាមួយមិត្តភក្តិ តែមិនត្រូវការស្នេហា និងព្រហ្មលិខិត។ ដំណើរការជីវិតក៏បានផ្លាស់ប្តូរបន្ទាប់ពី មុខ បានជួបជាមួយមេធាវីសង្ហាមាត់ដាច ឈិនណាគ្រីត​ ជម្លោះរបស់អ្នកទាំងពីរក៏បានកើតឡើង រហូតដល់មានការចៃដន្យអ្នកទាំងពីរត្រូវថ្នាំ ពេលចូលរួមកម្មវិធីមង្គលការរបស់មិត្តភក្តិ ទើបធ្វើអោយអ្នកទាំងពីរបានជ្រុលមានទំនាក់ទំនងផ្លូវកាយជាមួយគ្នា។ ទោះបីជាមានរឿងនេះកើតឡើងក៏ដោយ មុខ និង ណាគ្រីត នៅតែឈ្លោះគ្នាដដែល។​ តើ មុខ និង ណាគ្រីត អាចនឹងមានភាពចុះសម្រុងជាមួយគ្នាដែរទេ ដូចជាព្រហ្មលិខិតបានកំណត់អោយអ្នកទាំងបីរបានជួបគ្នា?

សូមទស្សនាក្នុងភាពយន្តភាគថៃរឿង«គូស្នេហ៍ គូជម្លោះ» មានផ្សាយជូនទស្សនាចាប់ពីថ្ងៃ ចន្ទ ដល់ថ្ងៃ ព្រហស្បតិ៍ វេលាម៉ោង ៩ យប់តទៅ នៅលើកញ្ចក់ទូរទស្សន៍ ភីអិនអិន៕